الماتىلىقتارعا بىلىكتىلىگىن ارتتىرۋ ءۇشىن Coursera.org سايتىنان 5000 تەگىن ليسەنزيا بەرىلەدى. بۇل جونىندە وڭىرلىك كوممۋنيكاسيالار قىزمەتىنىڭ الاڭىندا ويكەن ونلاين بريفينگتە سيفروۆيزاسيا باسقارماسىنىڭ باسشىسى بايان قوڭىربايەۆ حابارلادى.

بۇگىنگى تاڭدا وقۋ ورنىندا ءبىلىم الۋ ءۇشىن دارىستەر مەن پراكتيكالىق ساباقتارعا كۇندەلىكتى بارۋ قاجەت ەمەس. ۇيدەن شىقپاي-اق وقىپ، ءبىلىم الۋعا بولاتىن كوپتەگەن ۆەب-سايتتار مەن قىزمەتتەر بار. بۇل قىزمەتتەردىڭ ىشىندەگى ەڭ ۇلكەنى جانە بەدەلدىسى – Coursera بولىپ تابىلادى.

الماتىداعى سيفرلاندىرۋ باسقارماسى مەن جۇمىسپەن قامتۋ ورتالىعى Coursera كومپانياسىمەن الەمنىڭ جەتەكشى ۋنيۆەرسيتەتتەرىنە 5000 ستۋدەنتتى اقىسىز قابىلداۋعا مۇمكىندىك بەرۋ تۋرالى كەلىسىمگە قول جەتكىزدى. كەلىسىمگە سايكەس، وعان 2020 جىلدىڭ 31 جەلتوقسانىنا دەيىن تەگىن قول جەتكىزۋگە بولادى. بۇل مۇمكىندىك تىركەۋ پروسەسىن 2020 جىلدىڭ 30 قىركۇيەگىنە دەيىن اياقتاعان پايدالانۋشىلارعا عانا بەرىلەدى.

Coursera — بۇل الەمنىڭ ۇزدىك ۋنيۆەرسيتەتتەرىنىڭ ونلاين كۋرستارىن ۇسىناتىن ونلاين ءبىلىم بەرۋ پلاتفورماسى. قازىرگى ۋاقىتتا ونىڭ 48 ەلدە 200-دەن استام سەرىكتەسى بار. بۇل سەرىكتەستەر — ستەنفورد، پەنسيلۆانيا، پرينستون، ميچيگان، پەكين ۋنيۆەرسيتەتتەرى. سونىمەن قاتار Coursera IBM، Google جانە PwC سياقتى كومپانيالارمەن سەرىكتەستىك ورناتتى. بۇل كومپانيالار دا Coursera بويىنشا كۋرستار جاساپ جاتىر.

Coursera قالاي جۇمىس ىستەيدى؟ كۋرسقا تاپسىرمالار، اپتا سايىنعى تەستتەر جانە قورىتىندى ەمتيحان كىرەدى جانە كۋرس سوڭىندا سەرتيفيكات بەرىلەدى. ءار كۋرس ۇزاقتىعى-تاڭداعان باعدارلاماعا بايلانىستى 6-10 اپتا ارالىعىن قامتيدى.

ونلاين-پلاتفورما بارلىق ماتەريالداردىڭ ءبىر جەردە بولۋىمەن ىڭعايلى. ويتكەنى جۇيەگە سوزدىك، جاتتىعۋ جيىنتىقتارى بىرىكتىرىلگەن. مۇنىڭ ءبارى قاجەتتى باعدارلامانى وڭاي ىزدەپ، تابۋعا كومەتەسەدى. كۋرستار-جاڭادان باستاۋشىلارعا دا، ءوز دەڭگەيلەرىن جاقسارتقىسى كەلەتىندەرگە دە جارامدى.

قالاي ءوتىنىش بەرۋگە بولادى؟ الەمدەگى ەڭ جاقسى ءبىلىم بەرەتىن سايتتاردىڭ كۋرستارىنا قاتىسۋ ءۇشىن، ءاتى-جونى، قىزمەت ءتۇرى جانە ەلەكتروندى پوشتاسى كورسەتىلگەن ءوتىنىشتى almaty.coursera@mail.kz ەلەكتروندى مەكەن-جايىنا جىبەرۋ كەرەك. سودان كەيىن ەلەكتروندى پوشتاعا شاقىرۋ حابارى جىبەرىلەدى. تىركەلگەننەن كەيىن سايتتا ۇسىنىلعان كەز-كەلگەن كۋرستاردى، مىسالى IT، قولدانبالى جانە گۋمانيتارلىق عىلىمدار، ەكونوميكا، مەديسينا، مەنەدجمەنت جانە ماركەتينگ جانە ت. ب. كۋرستارىن تاڭداي الادى.

وتىنىمنەن كەيىن 5 كۇن ىشىندە جاۋاپ كەلەدى. ەگەر جەكە كابينەت ەكى اپتادان ارتىق قولدانىلماسا، بىردەن جويىلادى. ءبىلىم الۋشىلار سانى شەكتەۋلى، ياعني 5000 ادام.