الماتى قالاسى اكىمىنىڭ تاپسىرماسى بويىنشا توسەك-ورىندار سانىن ارتتىرۋ قاجەتتىلىگىنە بايلانىستى ورتالىقتىڭ سالىنىپ جاتقان جاڭا نىسانى ارنايى الەۋمەتتىك قىزمەت كورسەتەتىن ءبىرىنشى ەشەلوننىڭ ينفەكسيالىق ستاسيونارى رەتىندە قايتا بەيىمدەلەتىن بولادى.

ب. ساعىنتايەۆ كۇن سايىن فۋنكسيونالدى گوسپيتالدەگى جوندەۋ جانە ارلەۋ، جوسپارلاۋ جۇمىستارىنىڭ قالاي ءجۇرىپ جاتقانىن تەكسەرىپ وتىرادى. مۇندا ناۋقاستار پالاتالارى، جانساقتاۋ ءبولىمى، پتر تەستىلەۋدەن وتكىزەتىن زەرتحانا ءارى مەديسينالىق قىزمەتكەرلەردى دايارلايتىن جانە قايتا دايارلايتىن ورتالىق بولادى. ياعني، زاماناۋي مەديسينالىق قۇرالدارمەن جابدىقتالعان جەكە مەديسينالىق مەكەمە قۇرىلادى.

ەسكە سالساق، بۇگىنگى كۇنى الماتىدا COVID-19-بەن كۇرەسكە 27 مەدۇيىمدار جۇمىلدىرىلعان. توسەك-ورىن قورىنىڭ جالپى سانى التى مىڭ ورىننان اسادى. ال، توسەك-ورىننىڭ پايدالانىلۋى 90-نان 50 پايىزعا دەيىن تومەندەگەن.

قازىرگى كەزدە كۇزگى-قىسقى ماۋسىمدا بولۋى مۇمكىن پاندەميانىڭ جاڭا تولقىنىنا دايىندىق بارىنشا قارقىندى جۇرۋدە. سوندىقتان ءبىرىنشى ەشەلونداعى ينفەكسيالىق ستاسيونارلاردا توسەك-ورىن (اۋىر جاعدايداعى ناۋقاستار ءۇشىن) سانى تاعى 1015 ورىنعا ارتاتىن بولادى.