ءبىز جۇيەنىڭ اكىمشىسى رەتىندە، جۇمىس بەرۋشىلەرگە ۇسىنا الامىز. بۇل تۋرالى ب. كوڭىربايەۆ Coursera.org سايتىندا الماتىلىقتاردى وقىتۋ جايلى كورسەتىلگەن.

بۇگىنگى تاڭدا بارلىق پروسەستەردىڭ ونلاين رەجيمىنە اۋىسۋىنا بايلانىستى الماتىدا بىلىكتى IT-مامانداردىڭ جەتىسپەۋشىلىگى بايقالادى. وسىعان بايلانىستى كەشەندى جۇمىستار جۇرگىزىلۋدە. جالپى سيفرلىق ەكونوميكادا كادرلاردى ماڭىزدى داعدىلارعا ۇيرەتۋ، دايارلاۋ ءۇشىن ءتۇرلى باعدارلامالار جۇزەگە اسىرىلۋدا. ولاردىڭ ىشىندەگى جاڭا جوبا — coursera.org ءبىلىم بەرۋ پلاتفورماسى. ول سونىمەن قاتار، الماتى قالاسى جۇمىسپەن قامتۋ ورتالىعىمەن ىنتىماقتاستىقتا جۇمىس جاسايتىن بولادى.

بۇل تۋرالى سيفرلاندىرۋ باسقارماسىنىڭ باسشىسى بايان قوڭىربايەۆ وڭىرلىك كوممۋنيكاسيالار قىزمەتىندە وتكەن بريفينگ بارىسىندا مالىمدەدى.

«Coursera.org ءبىلىم بەرۋ پلاتفورماسى-كۋرستان وتۋگە عانا نەمەسە قايتا ماماندانۋعا مۇمكىندىك بەرىپ قانا قويماي، ءارى قاراي جۇمىسقا ورنالاستىرۋعا باعىتتالعان. سoursera بۇل – جۇمىس بەرۋشى مەن قىزمەتكەر اراسىنداعى جاڭا كوممۋنيكاسيالىق كەڭىستىك. باستى يدەياسى – وقۋعا قىزىعۋشىلىق تانىتقانداردىڭ ءبىلىم الۋىنا جاعداي جاساۋ بولىپ تابىلادى. بارلىق 5 مىڭ ءبىلىم الۋشىنى جۇمىسپەن قامتۋعا كەپىلدىك بەرە المايمىز، ءبىراق ەڭ بەلسەندىلەرى باسىمدىققا يە بولادى. ءبىز، جۇيەنىڭ اكىمشىسى رەتىندە، ولاردى قاداعالاپ، جۇمىس بەرۋشىلەرگە ۇسىنا الامىز. بۇگىنگى تاڭدا IT ماماندىعى ەڭ ۇلكەن سۇرانىسقا يە. ءبىز قالا رەتىندە ولاردىڭ ءارى قاراي دامۋىنا مۇمكىندىك بەرەتىنىمىزگە قۋانىشتىمىز»، — دەدى سپيكەر.

ول بارلىق الماتىلىقتاردى IT-تەحنولوگيا باعىتى تۋرالى ەستەن شىعارماي، كۇن سايىن ىزدەنۋگە شاقىردى. سونىمەن قاتار بايان قوڭىربايەۆ كەز-كەلگەن IT مامان ءوز يدەياسى جانە ۇسىنىسى بار ءوتىنىشتى digital-almaty.kz سايتىنا قالدىرا الاتىندىعىن ايتتى.