بۇگىنگى تاڭدا الماتى قالاسىنىڭ اكىمشىلىگىمەن قالانىڭ مەديسينالىق ۇيىمدارىن جەكە قورعانىس قۇرالدارىن قامتاماسىز ەتۋدە جان-جاقتى شارالار قابىلدانۋدا.

سونىمەن بىرگە، كاسىپكەرلىك سۋبەكتىلەرى دە بۇل ىستەن سىرت قالماي، كوروناۆيرۋس پاندەمياسىمەن كۇرەستە وزدەرىنىڭ قولدارىنان كەلگەن ۇلەستەرىن قوسۋدا. بۇگىندە «Dolce-Pharm» ج ش س وتاندىق فارماسيەۆتيكالىق وندىرىستىك كومپانياسى بيزنەستىڭ الەۋمەتتىك جاۋاپكەرشىلىگى اياسىندا 100 مىڭ ماسكا بەردى، ولار شاھارداعى 23 مەديسينالىق مەكەمە اراسىندا ءبولىنىپ، تاراتىلادى.

«بۇگىنگى تاڭدا ءبىز قالاعا 100 مىڭ ماسكا سىيلادىق. بۇل اكىمدىكپەن شەشىلگەن ماسەلە. 5340 ورىنعا 23 اۋرۋحاناعا ءبىز 100 مىڭ كومىر ءفيلترلى ماسكا بەرەتىن بولامىز. ءوز كەزەگىندە ءبىز بارلىق اۋرۋحانالارعا اكىمدىك بەرگەن اۋرۋحانالار ءتىزىمى بويىنشا بارلىق اۋرۋحانالارعا ءوز ەسەبىمىزدەن جەتكىزەتىن بولامىز»، — دەدى Dolce كومپانياسىنىڭ كوممەرسيالىق ديرەكتورى بايان دەمەۋوۆا دەدى، ول قاراپايىم ەكى قاباتتى ماسكالار تەك 2 ساعات تاعىلسا، كومىر ءفيلترلى ماسكانى 4-5 ساعات بويى، ەكى ەسە ۇزاعىراق تاعۋعا بولادى.

سونىمەن بىرگە، ول بولاشاقتا ونكولوگيالىق جانە بالالار اۋرۋحاناسىنىڭ مەديسينالىق قىزمەتكەرلەرىن ماسكالارمەن قامتاماسىز ەتۋدە كومەك كورسەتۋ جوسپارلانۋدا.

جالپى، «Dolce-Pharm» كومپانياسى الماتى قالاسىنىڭ اكىمدىگىمەن كەلىسىمىنە سايكەس، مەگاپوليستىڭ 23 ءدارىحاناسىنا ماسكالار جەتكىزىلەدى. پاندەميا باستالعالى Dolce كومپانياسى قالانىڭ ءدارىحانالارىنا كۇن سايىن 2-3 مىڭ ماسكا جەتكىزىلەدى.

انىقتاما ءۇشىن: Dolce جانە Dolce-Pharm بىرىككەن كومپانياسى مەديسينالىق ماقساتتاعى بىررەتتىك ونىمدەردى، كاسىبي شىعىن ماتەريالدارىن، بىررەتتىك كيىم جانە مەديسينالىق جابدىقتاۋ (كومپلەكتتەر، ماسكالار،باحيلالار)، سونىمەن بىرگە، دارىلىك قۇرالداردى شىعاراتىن ءىرى قازاقستاندىق ءوندىرۋشى بولىپ تابىلادى. كومپانيادا وندىرىستە 200-دەن استام ادام ءۇش اۋىسىمدا قىزمەت ەتەدى. كاسىپورىندا تاۋلىگىنە 300-360 مىڭ ماسكا وندىرىلەدى.