دەنساۋلىق ساقتاۋ مينيسترلىگى قازىرگى ۋاقىتتا كوروناۆيرۋستىق ينفەكسيادان 19 741 ادام ەم قابىلداپ جاتقانىن حابارلادى.
ولاردىڭ 109-ى بالا. ستاسيونارلاردا 3 289 ناۋقاس جاتىر. 16 452 ادام امبۋلاتوريالىق جاعدايدا ەمدەلۋدە.
ناۋقاستاردىڭ اراسىندا 401 ادامنىڭ احۋالى ناشار. سونىڭ ىشىندە 105 ناۋقاستىڭ احۋالى اسا قاتتى اۋىر دەپ باعالانۋدا. 77 ناۋقاس وكپەنى جاساندى جەلدەتۋ اپپاراتىندا جاتىر.
وتكەن تاۋلىكتە كوروناۆيرۋستىق پنيەۆمونيادان 5 ادام ولگەن. كوروناۆيرۋستان 20 ادام كوز جۇمعان.
دەنساۋلىق ساقتاۋ مينيسترلىگى بۇدان بىلاي تاۋلىكتىك ناتيجەلەر تۋرالى اقپاراتتى كۇن سايىن ۇنەمى ۇزبەي جاريالاپ وتىراتىنىن مالىمدەدى.
پىكىر قالدىرۋ