پرەزيدەنت قاسىم-جومارت توقايەۆ ەكس-پرەزيدەنت نۇرسۇلتان نازاربايەۆتىڭ 2000 جىلى 3 ساۋىردە قول قويعان مادەنيەت سالاسىندا مەملەكەتتىك ستيپەنديا تاعايىنداۋ تۋرالى جارلىعىنا وزگەرىس ەنگىزدى. بۇل تۋرالى اقوردانىڭ سايتى  حابارلادى. جارلىق ءماتىنىنىڭ تولىق نۇسقاسى تومەندە ۇسىنىلىپ وتىر.

"قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ مادەنيەت سالاسىنداعى مەملەكەتتىك ستيپەندياسىن تاعايىنداۋ تۋرالى" قازاقستان رەسپۋبليكاسى پرەزيدەنتىنىڭ 2000 جىلعى 3 ساۋىردەگى № 369 جارلىعىنا وزگەرىس ەنگىزۋ تۋرالى"

قاۋلى ەتەمىن:

1. «قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ مادەنيەت سالاسىنداعى مەملەكەتتىك ستيپەندياسىن تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 3 ساۋىردەگى № 369 جارلىعىنا (قازاقستان رەسپۋبليكاسىنىڭ ءپۇاج-ى، 2000 ج.، № 18، 185-قۇجات) مىناداي وزگەرىس ەنگىزىلسىن:

1-تارماق مىناداي رەداكسيادا جازىلسىن:

«1. قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ مادەنيەت سالاسىنداعى جىل سايىنعى 75 مەملەكەتتىك ستيپەندياسى ايىنا 55 ەسەلەنگەن ايلىق ەسەپتىك كورسەتكىش مولشەرىندە تاعايىندالسىن.».

وسى جارلىق قول قويىلعان كۇنىنەن باستاپ قولدانىسقا ەنگىزىلەدى.