اقتوبە وبلىسىندا قازاننىڭ 2 كۇنى ساعات 17-00 دەيىن 17411 مىڭ پارتيا مۇشەسى، ياعني وبلىستاعى پارتيالىقتاردىڭ تەڭ جارتىسىنان استامى ءوز تاڭداۋىن جاسادى. ونىڭ ىشىندە مۇعالجار، مارتوك، قارعالى، العا اۋدانىنداعى پارتيالاستارىمىزدىڭ 70 پايىزدان استامى داۋىس بەرىپ ۇلگەرگەن. بۇل داۋىس بەرۋدە ونلاين جۇيەنى قولدانۋدىڭ تيىمدىلىگىن تاعى ءبىر دالەلدەي ءتۇستى. 

جالپى بۇل ساياسي ناۋقانعا اقتوبە وبلىسى تىڭعىلىقتى دايىندالدى. 30،7 مىڭنان استام پارتيا مۇشەسىنە (99 پايىزى) اۆتوريزاسيا جۇرگىزىلدى. وبلىستىڭ قالا، اۋداندارىندا 118  داۋىس بەرۋ ورنى بەلگىلەندى.  ونىڭ 76-ى ونلاين فورماتتا، 42 ۋچاستوك  ءداستۇرلى قاعاز بيۋللەتەنىمەن داۋىس بەرۋگە ارنالعان. ونلاين داۋىس بەرۋ ورىندارى 205 نوۋتبۋك جانە ينتەرنەت جەلىسىمەن قامتىلدى. 

-وسىعان دەيىن ۇمىتكەرلەر پارتيالاستارىمەن 5 مىڭنان استام كەزدەسۋ وتكىزىپ، ءوز باعدارلامالارىن ۇسىنعان بولاتىن. ونىڭ 642ء-سى ونلاين فورماتىندا ۇيىمداستىرىلدى. 16 جەردە وتكەن 87 جاريا پىكىرسايىستا ءتۇرلى ماسەلەلەر كوتەرىلىپ، وڭتايلى شەشۋ جولدارى ايتىلدى. بۇل ولاردىڭ سايلاۋالدى باعدارلامالارىمەن مۇقيات تانىسۋعا، ءسويتىپ پارتيالىقتاردىڭ دۇرىس تاڭداۋ جاساۋىنا مۇمكىندىك بەرگەنى ءسوزسىز، - دەدى پارتيانىڭ وبلىستىق فيليالى ءتوراعاسىنىڭ ءبىرىنشى ورىنباسارى ەربول داناعۇلوۆ.