قىرعىزستاننىڭ ورتالىق سايلاۋ كوميسسياسى 4 قازاندا وتكەن جوگاركۋ كەنەش دەپۋتاتتارى سايلاۋىنىڭ ناتيجەلەرىن جارامسىز دەپ تانىدى، دەپ حابارلادى 24kg سايتى.
وسك مۇشەسى گۇلنار جورابايەۆانىڭ ايتۋىنشا، بۇل سايلاۋ ناۋقانى ەلدىڭ بەدەلىنە نۇقسان كەلتىرگەن، سوندىقتان ەڭ جاقسى جانە دۇرىس شەشىم ناتيجەنى مەرزىمىنەن بۇرىن توقتاتۋ.
ەسكە سالا كەتەيىك، قىرعىزستاندا 4 قازاندا وتكەن پارلامەنت سايلاۋىنىڭ ناتيجەسىمەن كەلىسپەگەن ازاماتتار بىشكەكتە نارازىلىق اكسياسىنا شىققان.
5 قازاندا كۇندىز نارازىلىققا شىققان ازاماتتار سايلاۋ قورىتىندىسىنىڭ كۇشىن جويىپ، جاڭا سايلاۋ وتكىزۋدى تالاپ ەتتى.
پىكىر قالدىرۋ