«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەكتىڭ ماڭعىستاۋ وبلىسىنا جۇمىس ساپارى جاڭاوزەن قالاسىندا جالعاستى. ول مۇندا جاڭاوزەندىكتەرمەن پارتيانىڭ تاياۋداعى 5 جىلعا ارنالعان قالالىق سايلاۋالدى باعدارلاماسىنىڭ جوباسىن قارادى. ساپار بارىسى تۋرالى پارتيا ءتوراعاسىنىڭ ءبىرىنشى ورىنباسارى Facebook پاراقشاسىندا ارنايى جازبا جاريالادى.

«پرايمەريز بارىسىندا قالا تۇرعىندارىنان 100-دەن استام ۇسىنىس ءتۇستى، ونىڭ ىشىندە دەنساۋلىق ساقتاۋ مەن ءبىلىم بەرۋ دەڭگەيىن كوتەرۋ، كوپبالالى جانە تۇرمىسى تومەن وتباسىلارعا قولداۋ كورسەتۋ، جولدار مەن اۋلا الاڭدارىن سالۋ، اۋىز سۋمەن قامتاماسىز ەتۋ جانە باسقالارى بار. بۇل ماسەلەلەر باعدارلامانى جەتىلدىرۋ كەزىندە كورىنىس تاباتىن بولادى.

قازاق گاز وڭدەۋ زاۋىتىنىڭ ۇجىمىمەن كەزدەسۋدە كاسىپورىندى ارى قاراي جاڭعىرتۋ ماسەلەسىن تالقىلادىق. بۇل جوبانى ىسكە اسىرۋ «Nur Otan»-نىڭ قالالىق سايلاۋالدى باعدارلاماسىنا دا ەنگىزىلگەن. جالپى، تۇرعىنداردى جۇمىسپەن قامتۋ ءۇشىن قالادا 3 مىڭنان استام تۇراقتى جۇمىس ورنىن اشۋ جوسپارلانۋدا»، - دەدى باۋىرجان بايبەك.

سونىمەن بىرگە ول ن.نۇرگالييەۆ، ج.ەرعازييەۆ، ن.اللانازاروۆ، ع.ماحامبەتوۆ جانە ا.تابىلدييەۆ سىندى ازاماتتاردى قابىلداپ، كوتەرگەن ماسەلەلەرىن تىڭدادى. قابىلداۋدان سوڭ پارتيالىق باقىلاۋ كوميتەتى مەن فيليال باسشىلىعىنا ءاربىر ءوتىنىشتى مۇقيات قاراۋدى تاپسىردى.

پارتيانىڭ جاڭاوزەن قالاسى بويىنشا سايلاۋالدى باعدارلاماسىنىڭ جوباسىمەن primaries.kz سايتىنان تانىسۋعا بولادى.