بەلگىلى جۋرناليست، جازۋشى داۋرەن قۋات facebook پاراقشاسىندا قازاقستان پرەزيدەنتى قاسىم-جومارت توقايەۆ تۋرالى پىكىرىن قالدىردى.
"بالكىم، ۋاقىتتىڭ تەگەۋرىنىنە شىداۋ مۇمكىن بولماعان شىعار، بالكىم، ساياسي جۇيەنىڭ تالابى مەن ساياسي جۇرىستىرىنەن الدانىپ قالماۋدىڭ قيىندىعىنان قيىندىق كورگەن شىعار، كوپ جىگىتتەر وزدەرى قوعامداسىپ قۇرعان بيلىكتەن قاشتى، قاشتىڭىز نە، قارسى شىقتى. سول كەزدە مىزعىماعان ءبىر ادامدى بىلەمىن، ول – قاسكەڭ – قاسىم-جومارت توقايەۆ. قاسىم-جومارت توقايەۆ دەگەنى كىسىڭىزدى مەن ۇلتىن، قازاعىن سۇيەتىن، ءسۇيۋدىڭىڭ سۇمدىعى مەن شىندىعىنا شىداپ، توزە بىلەتىن تۇلعا دەپ بىلەمىن. قيساتپاي، قيراتپاي قازاعان مىنا قىم قۋات زاماننان الىپ شىعۋ وعان امانات.
ال ەندى، رەسمي مالىمەت: مەن پرەزيدەنت قاسىم-جومارت توقايەۆتىڭ حالىققا ارناعان ۇندەۋىن قاناعاتتانارلىق سەزىممەن وقىپ شىقتىم. قازاقستان بۇگىندەرى الەمدىك دەموكراتيالىق ۇردىستەرگە ءۇن قاتىپ، مەملەكەتىمىزدەگى ساياسي جۇيەنى جاڭعىرتۋعا ناقتىلى قادامدار جاساپ كەلە جاتقانىن كورىپ وتىرمىز. وسى ورايدا جاڭا ۇستانىمدارعا بايلانىستى پارلامەنتتىك وپپوزيسيا ينستيتۋتىن قالىپتاستىرىپ، زاڭ شىعارۋشى ورگاننىڭ ءبىر كومميسياسىنا ءتوراعالىق ەتۋدى، سونىمەن بىرگە ەكى حاتشىنىڭ وپپوزيسيالىق دەپۋتاتتار اراسىنان سايلانۋى بۇرىن-سوڭدى بولماعان ءۇردىس ەكەنىن ايتقىم كەلەدى. بۇل كوزقاراستار مەن پىكىرلەردىڭ سانالۋاندىعى مەن قابىلداناتىن شەشىمدەردىڭ جان-جاقتىلىعىن قامتاماسىز ەتەدى دەپ سەنەمىن.
جاڭا تۇجىرىمدامادا سونىمەن بىرگە ايەلدەر مەن جاستار ءۇشىن 30 پايىزدىق كۆوتا بەرىلۋىن ناقتىلاي تۇسەدى. بۇرىن بۇل ماسەلە اۋىزشا عانا ءسوز بولىپ كەلسە، ەندى ورىندالۋى ءتيىس قۇجات بولاتىنى تۇسىنىكتى. دەمەك، پرەزيدەنتىمىز ايتقانداي، بۇرىندارى شەتقاقپاي كورىپ كەلگەن ايەلدەر قاۋىمى مەن جاستار پارلامەتتە عانا ەمەس، جەرگىلىكتى ورگاندارعا دا كەڭىنەن تارتىلا باستاماق.
ۇندەۋدە ايتىلعان ءماسليحاتتار سايلاۋىنىڭ پارتيالىق ءتىزىم بويىنشا ءوتۋى كوپتەن بەرى قوعامدا تالقىلانىپ كەلە جاتقان دۇنيە. ودان كەيىن جەرگىلىكتى اكىمدەردىڭ سايلانىپ قويىلۋى ءوز شەشىمىن تابادى دەپ سەنەمىن. وسىلايشا دەموكراتيا قۇندىلىقتارى كۇندەلىكتى ومىرىمىزگە ەنىپ، قازاقستاندىق قوعامنىڭ ىزگىلەنۋى جەدەلدەي تۇسپەك" دەلىنگەن جازبادا.
پىكىر قالدىرۋ