قازاقستان جۋرناليستەر وداعىنىڭ ءتوراعاسى، ۇلتتىق باسپا ءسوز كلۋبىنىڭ جانە قازتاگ حالىقارالىق اقپارات اگەنتتىگىنىڭ نەگىزىن قالاۋشى، تۇڭعىش پرەزيدەنت نۇرسۇلتان نازاربايەۆتىڭ ءبىرىنشى باسپا ءسوز حاتشىسى سەيىتقازى ماتايەۆ Asiais.ru باسىلىمىنا كەڭ كولەمدى سۇقبات بەردى. ماتايەۆ سۇقباتتا ساياسي جۇيەنىڭ جۋرناليستيكاعا اسەرى تۋرالى ايتتى.
ءجۋرناليستىڭ "قازاقستان ءباسپاسوزىنىڭ ەكىنشى التىن عاسىرى كەلۋى ءۇشىن نە قاجەت؟" دەگەن سۇراعىنا ماتايەۆ ول ءۇشىن ساياسي جۇيە اۋىسۋى كەرەكتىگىن جەتكىزدى.
– ساياسي جۇيە ساقتالدى. باسپا ءسوز سياقتى ازاماتتىق ينستيتۋت قايتا جاندانادى دەپ ۇمىتتەنبەيمىن. ءقازىر اقپارات الەۋمەتتىك جەلىلەر ارقىلى تارالادى، كوبىنەسە بۇل جالعان جاڭالىقتار، قاۋەسەتتەر. بۇعان قارسى جالعىز رەسەپت – ساپالى جۋرناليستيكا. التىن عاسىر كەلۋ ءۇشىن ءبىرىنشى پرەزيدەنت ساياساتتان كەتۋى كەرەك. سول كەزدە وزگەرىس بولادى. ءقازىر كوبى بيلىك ءترانزيتى تۋرالى ايتىپ ءجۇر، ءبىراق ول بولعان جوق. مەن ەشكىمدى راديكالدى شارالارعا شاقىرمايمىن، رەفورمالاردى وركەنيەتتى تۇردە جاساۋعا بولادى، – دەپ جاۋاپ بەردى ول.
پىكىر قالدىرۋ