لوندون ءۇش ميلليونعا جۋىق گونكونگ تۇرعىنىنا ۇلىبريتانيا ازاماتتىعىنا ءوتۋ جولىن ۇسىنۋ جوسپارىن راستاعاننان كەيىن جۇڭگو ۇلىبريتانياعا "قاتەلىكتەرىن تەز ارادا تۇزەتۋ" كەرەكتىگىن ايتتى.
شىلدە ايىندا بەيجىڭ گونكونگكە قاتىستى ۇلتتىق قاۋىپسىزدىك تۋرالى قاتاڭ زاڭ شىعارعان. ودان كوپ وتپەي بىرىككەن كورولدىك گونكونگ تۇرعىندارىنا ازاماتتىق بەرەتىن ۇسىنىستىڭ دايىندالىپ جاتقانىن جاريالاعان.
سىنشىلاردىڭ ايتۋىنشا، 1997 جىلى ۇلىبريتانيا گونكونگتى قىتايعا قايتارىپ بەرگەن كەزدەگى كەلىسىلگەن ازاماتتىق بوستاندىقتاردى بەيجىڭنىڭ جاڭا زاڭى بۇزىپ وتىر.
ال بەيجىڭ بۇعان دەيىن ۇلىبريتانياعا "ىشكى ماسەلەلەرگە" ارالاسپاۋدى ەسكەرتكەن.
جۇما كۇنگى ەسكەرتۋ جۇڭگو سىرتقى ىستەر مينيسترلىگىنىڭ گونكونگ بولىمىنەن جاريالاندى.
