الماتى مەملەكەتتىك اكتيۆتەر باسقارماسىنىڭ باسشىسى رۇستەم الييەۆ وڭىرلىك كوممۋنيكاسيالار قىزمەتىنىڭ ونلاين-بريفينگىندە بوس تۇرعان عيماراتتاردى الەۋمەتتىك نىسان رەتىندە بەرۋ تۋرالى ايتىپ بەردى، دەپ حابارلايدى Qamshy.kz اقپارات اگەنتتىگى.
قالا اكىمى باقىتجان ساعىنتايەۆتىڭ تاپسىرماسى بويىنشا، جۇمىسى توقتاپ تۇرعان عيماراتتار الەۋمەتتىك نىساندارعا – مەكتەپتەر، بالاباقشالار، ەمحانالارعا بەرىلەدى.
بيىل قالا رەسپۋبليكالىق مەنشىكتەن بوس تۇرعان ەكى نىساندى قابىلدادى:
● تۇركسىب اۋدانىنداعى تىنىشبايەۆ كوشەسى، 4/6 مەكەنجايىنداعى، اۋدانى 491،3 ش.م. ءۇش ليتەردەن تۇراتىن كەشەن قايتا جاڭارتىلعاننان كەيىن پسيحونيەۆرولوگيالىق پاتولوگيالارى بار مۇگەدەك بالالارعا ارنالعان 60 ورىنعا ەسەپتەلگەن كۇندىز قابىلدايتىن ورتالىق اشۋ جوسپارلانۋدا.
● بوستاندىق اۋدانىنداعى المالى ب ا ق كوشەسى، 4 ا، اۋدانى 196،9 ش.م. تۇرعىن ۇيدەگى عيماراتتى "باقىتتى وتباسى" كەشەندى باعدارلاماسى اياسىندا بۇل جەردە "ىسكەر انا" ورتالىعىن اشۋ جوسپارلانۋدا.
"جەكە جانە زاڭدى تۇلعالار مۇلىكتى قالا سىيىنا وتەۋسىز بەرگەن كەزدە سىيعا تارتۋ ءادىسى – بيزنەستىڭ الەۋمەتتىك جاۋاپكەرشىلىگىنىڭ ۇلگىسى بولىپ تابىلادى، – دەپ اتاپ ءوتتى ر.الييەۆ.
جەكە زاڭدى تۇلعالاردان سىيعا تارتۋ شارتى بويىنشا ءۇش نىسان قابىلداندى:
● بوستاندىق اۋدانىندا ەگىزبايەۆ كوشەسى، 7 ا، اۋدانى 3115،7 ش.م. بولاتىن بالاباقشا. مۇندا 150 ورىنعا ەسەپتەلگەن №191 مەملەكەتتىك بالاباقشا اشىلدى. بالاباقشا تۇزدى شاحتامەن جانە سەنسورلىق بولمەلەرمەن جابدىقتالعان.
●المالى اۋدانىنداعى ماۋلەنوۆ كوشەسى، 46 مەكەنجايىنداعى "Elit Towەr" تۇرعىن ءۇي كەشەنىنىڭ ءبىرىنشى قاباتىنداعى اۋدانى 217،1 ش.م. تۇرعىن ءۇي ەمەس عيماراتتى جەرگىلىكتى تۇرعىنداردىڭ قاجەتتىلىكتەرىن ەسكەرە وتىرىپ، وقىرماندارعا قىزمەت كورسەتۋ ءۇشىن اشىق ايماقتارمەن كوۆوركينگ-ورتالىق كىتاپحاناسىن اشۋ كوزدەلەدى (ونىڭ ىشىندە تىلدەردى وقىتۋ كۋرستارى، ءتۇرلى ۇيىرمەلەر بار).
● "اتاكەنت" كىىو اۋماعىنداعى اباتتاندىرۋ وبەكتىلەرى – ورىندىقتار، ۋرنالار، سۋبۇرقاقتار. اۋدان اكىمدىگى كوممۋنالدىق مەنشىككە وتكەننەن كەيىن، ۋاقىتىلى قىزمەت كورسەتۋدى جانە كۇتىم كورسەتۋدى ۇيىمداستىردى.
اۋدانى 59،5 ش.م. بولاتىن جەتىسۋ اۋدانىنداعى بوس تۇرعان عيماراتتى كوممۋنالدىق مەنشىك وبەكتىلەرىن قايتا ءبولۋ ارقىلى دومبىرا مەكتەبى اشىلدى. وندا بالالار حالىق اسپاپتارىندا ويناۋدى تەگىن ۇيرەنەدى.
پىكىر قالدىرۋ