"الىپپە" وقۋلىعىن 2021-2022 وقۋ جىلىنا قاراي ەنگىزۋ جوسپارلانىپ وتىر. بۇل تۋرالى ءبىلىم جانە عىلىم ۆيسە-مينيسترى شولپان كارينوۆا ورتالىق كوممۋنيكاسياار قىزمەتىندەگى ونلاين بريفينگتە حابارلادى.
– "الىپپەنىڭ" وقۋ باعدارلاماسىنا قاتىستى وقۋلىقتار ازىرلەۋ جۇمىستارى باستالدى. بۇل جۇمىستىڭ سوڭى رەتىندە 2021 جىلدىڭ قاڭتار ايىنان باستاپ وقۋلىقتار اپروباسياعا ەنگىزىلەتىن بولادى. ول ءۇشىن ءبىلىم جانە عىلىم مينيسترلىگى اپروباسيا وتكىزەتىن پيلوتتىق مەكتەپتەردىڭ تىزبەسىن بەكىتتى. وسى بەكىتكەن تىزبەگە بايلانىستى بارلىق مەكتەپتەردە "الىپپەنىڭ" ءبىرىنشى باعدارلاماسى زەردەلەنەتىن بولادى.
ودان كەيىن وقۋلىق دايارلاۋدىڭ بارلىق كەزەڭدەرىنە بايلانىستى تولىق تالداۋ جاساۋ جۇمىسى جۇرىگىزىلەدى. ساراپتامادان وتكەن وقۋلىقتار جاڭا وقۋ جىلىندا مەكتەپكە ەنگىزىلەدى. جالپى، "الىپپەنى" ەنگىزۋ 2021-2022 وقۋ جىلىنا جوسپارلانعان، – دەدى ءبىلىم جانە عىلىم ۆيسە-مينيسترى ونلاين بريفينگتە.
سونداي-اق ۆيسە-مينيستر "الىپپەنىڭ" احمەت بايتۇرسىن ۇلىنىڭ ادىستەمەسى نەگىزىندە دايىندالاتىنىن، مۇنىڭ جۇمىس توبىنداعى عالىمدار مەن مۇعالىمدەر تاراپىنان دا قولداۋ تاپقانىن اتاپ ءوتتى.
پىكىر قالدىرۋ