الەۋمەتتىك جەلىدە بەيتانىس ازاماتتاردىڭ ۇلتتىق ۇلان قىزمەتكەرلەرىمەن توبەلەسكەن ۆيدەوسى تارادى. ۆيدەو pavlo.detka ءىnstagram پاراقشاسىندا جاريالاندى. وقيعا پاۆلودار قالاسىندا بولعان.
– وقيعا قاراشانىڭ 1ء-ى كۇنى ساعات 19:25 شاماسىندا قايىربايەۆ كوشەسىندەگى كافەدە بولعان. ۇلتتىق ۇلان قىزمەتكەرلەرىمەن توبەلەسكەن 26 جانە 37 جاستاعى ەر ادامدار قىزمەتتە جۇرگەن 5512 اسكەري ءبولىمىنىڭ قىزمەتكەرىن جاراقاتتاعان، – دەدى وڭىرلىك پوليسيا باسشىسىنىڭ ءبىرىنشى ورىنباسارى جاسقايرات كايروۆ.
پوليسەيدىڭ ايتۋىنشا، ەكى بەيتانىس ەر ادام ۇلتتىق ۇلاننىڭ قىزمەتكەرلەرىنە دورەكى سوزدەر ايتىپ، وزدەرىن اگرەسسيۆتى ۇستاعان.
"ۇلتتىق ۇلاننىڭ قىزمەتكەرلەرى ولاردان قوعامدىق ءتارتىپتى بۇزباۋدى ەسكەرتىپ، پوليسيا بولىمشەسىنە بارۋدى سۇراعان. الايدا ازاماتتار قارسىلىق كورسەتىپ، اسكەري قىزمەتكەرلەردىڭ ءبىرىنىڭ كوزىن جاراقاتتادى" دەلىنگەن جەلىدەگى جازبادا.
قازىرگى ۋاقىتتا ولارعا قىلمىستىق كودەكستىڭ 293-بابى 2-بولىگى (بيلىك وكiلiنە نە قوعامدىق ءتارتiپتi قورعاۋ ءجونiندەگi مiندەتتەردi اتقاراتىن نەمەسە قوعامدىق ءتارتiپتi بۇزۋدىڭ جولىن كەسەتىن وزگە دە ادامعا قارسىلىق كورسەتۋ) بويىنشا سوتقا دەيىنگى تەرگەۋ جۇمىستارىن باستادى. سوت-مەديسينالىق ساراپتاما تاعايىندالىپ، ۇستالعاندار ۋاقىتشا ۇستاۋ يزولياتورىنا قامالدى.
پىكىر قالدىرۋ