ارمەنيا پرەزيدەنتى ارمەن ساركيسيان رەسەي مەن ازەربايجاننىڭ قاراباحقا قاتىستى كەلىسىمى تۋرالى باق-تان بىلگەن، دەپ جازادى Qamshy.kz اقپارات اگەنتتىگى Sputnik ارمەنياعا سىلتەمە جاساپ.
ساركيسيان اتالمىش ماسەلە بويىنشا ەشقانداي كەلىسسوزگە، تالقىلاۋعا قاتىسپاعانىن ايتادى. قاراباح ۇلتارالىق جاعداي بولعاندىقتان وعان قاتىستى كەلىسسوزدەردىڭ بارلىعى بىرگە تالقىلانۋى قاجەت ەكەنىن جەتكىزدى.
ساياساتكەر قاراباح تاعدىرى ارميانداردىڭ ۇلتتىق قىزىعۋشىلىعى مەن كەلىسىمىمەن قابىلدانۋى كەرەك ەكەنىن ايتادى.
10 قاراشادا ارمەنيانىڭ پرەمەر-مينيسترى نيكول پاشينيان، ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قارباحتاعى سوعىستى توقتاتۋ تۋرالى شەشىم قابىلداعان.
تاۋلى قاراباح قاقتىعىس 27 قىركۇيەكتە شيەلەنىسكەن. ازەربايدان مەن ارمەنيا ءۇش رەت وق اتۋدى توقتاتۋ تۋرالى كەلىسىمگە كەلگەن، ءبىراق ۇشەۋىندە دە كەلىسىم ورىندالمادى.
پىكىر قالدىرۋ