«قازاقفيلم» كينوستۋدياسى قاسىم حان تۋرالى جاڭا تاريحي ءفيلمنىڭ ءتۇسىرىلىمىن باستايدى.
«ءقازاقفيلمنىڭ» باسپا ءسوز قىزمەتى اتاپ وتكەندەي، جاقىن ۋاقىتتا كينوستۋديا قاسىم حان تۋرالى تولىق مەتراجدى ءفيلمنىڭ جوباسىن جۇزەگە اسىرماقشى. تاريحي ءفيلمنىڭ رەجيسسەرى اقان ساتايەۆ بولادى.
«رەجيسسەر اقان ساتايەۆ باستاعان شىعارماشىلىق توپتى 1511-1521 جىلدارى قازاق حاندىعىن باسقارعان اتى اڭىزعا اينالعان حاننىڭ تاريحي بەينەسىن جاڭعىرتۋدا كوپ جۇمىس كۇتىپ تۇر. ءدال وسى جىلدارى مەملەكەت شىعىس دەشتى – قىپشاقتىڭ اۋقىمدى تەرريتورياسىنا باقىلاۋ ورناتتى. «قاسىم حاننىڭ قاسقا جولى» دەگەن اتپەن بەلگىلى زاڭ جاسالىپ، شىعارىلدى. ول داۋىردە قازاقتار تاۋەلسىز ەتنيكالىق قاۋىمداستىق رەتىندە ءبىزدىڭ تەرريتوريامىزدان تىس جەرلەردە دە تانىمال بولدى»، - دەپ حابارلادى كينوستۋديانىڭ باسپا ءسوز قىزمەتى.
ءفيلمدى ءتۇسىرۋ جۇمىستاردى 2021 جىلدىڭ جەلتوقسانىندا اياقتاۋ جوسپارلانىپ وتىر.
