الماتىدا «Birgemiz» قورىنان 50 مىڭ تەڭگە كولەمىندە بىررەتتىك كومەك تولەۋ اياقتالدى.

«وسى جولى قوردىڭ شەشىمى بويىنشا ءبىرجولعى كومەك اتاۋلى الەۋمەتتىك كومەك الۋشىلارعا، I – II توپتاعى مۇگەدەكتەرگە (جاسى بويىنشا زەينەتكەرلەر) بەرىلدى. سونىمەن قاتار، ەڭ تومەنگى نەمەسە ودان تومەن زەينەتاقى الاتىن زەينەتكەرلەر دە الدى. ولاردىڭ سانى شامامەن 1000 ادام. بۇدان بولەك، كومەك الۋشىلار قاتارىندا مۇگەدەك بالاعا كۇتىم جاسايتىن ادامدار، ەكىنشى دۇنيەجۇزىلىك سوعىسىنىڭ قاتىسۋشىلارى مەن مۇگەدەكتەرى، ولارعا تەڭەستىرىلگەن ادامدار، تىل ەڭبەككەرلەرى مەن تۇل جەتىمدەر بار»،– دەپ حابارلادى «Nur Otan» پارتياسىنىڭ الماتى قالالىق فيليالى.

مەگوپليستە بىررەتتىك كومەكتى بارلىعى 8078 ادام الدى.

«كورسەتىلگەن اقشالاي كومەك مەن ءۇشىن ۇلكەن دەمەۋ بولدى. اسىرەسە ءقازىر، كۇزدە جىلى كيىم ساتىپ الۋ قاجەت بولعان كەزدە. مەنىڭ ءتورت بالام بار، ولاردىڭ ۇلكەنى 17 جاستا، ال كىشىسى 5 جاستا. بۇل ەلباسىنىڭ دەر كەزىندە بەرگەن سىيى»،- دەدى كوپبالالى انا بيبىگۇل.

ءبىرجولعى كومەك العان كوپتەگەن تۇرعىندار الەۋمەتتىك جەلىلەردەگى جەكە پاراقشالارىندا ءوز قۋانىشتارىمەن ءبولىسىپ، «Nur Otan» پارتياسىنىڭ كوشباسشىسى، ەلباسىنا العىستارىن ءبىلدىردى. ولاردىڭ ىشىندە ءى توپ مۇگەدەگى ەرمەك بايسالبەك پەن نيگورا يبراگيموۆا، اۋعان سوعىسىنا قاتىسۋشى التاي وتەباي ۇلى جانە تاعى باسقالارى بار.

ەستەرىڭىزگە سالساق، «Birgemiz» قورى 2020 جىلدىڭ ناۋرىز ايىندا تۇڭعىش پرەزيدەنت، «Nur Otan» پارتياسىنىڭ كوشباسشىسى نۇرسۇلتان نازاربايەۆتىڭ باستاماسىمەن كوروناۆيرۋسپەن كۇرەس جاعدايىندا حالىقتىڭ الەۋمەتتىك وسال توپتارىن قولداۋ ءۇشىن قۇرىلعان بولاتىن.

جالپى العاندا، 60 مىڭنان استام ادام قور قاراجاتىنان بەسىنشى تولقىننىڭ ەسەبىمەن 50 مىڭ تەڭگەدەن ماتەريالدىق كومەك الدى.