جۇڭگو بيلىگى گونكونگ وپپوزيسياسىسىنىڭ جاپپاي وتستاۆكاعا كەتۋىن سىنادى، دەپ حابارلايدى Qamshy.kz اقپارات اگەنتتىگى BBC-گە سىلتەمە جاساپ. سارسەنبىدە 15 وپپوزيسيا وكىلى جۇمىستان شىعارىلعان ءتورت ارىپتەسىن قولداپ، وتستاۆكاعا كەتەتىنىن جاريالاعان. ولار بەيجىڭ "ۇلتتىق قاۋىپسىزدىككە ءقاۋىپ توندىرەتىندەر جۇمىستان شەتتەتىلۋ كەرەك" دەگەننەن كەيىن جۇمىستان بوساتىلدى.   

كوبى قىتايدىڭ بۇل ارەكەتىن گونكونگتىڭ قۇقىعىن شەكتەۋ دەپ تانىدى، الايدا جۇڭگو مۇنى مويىنداماي وتىر. وتستاۆكاعا كەتكەن وپپوزيسيا وكىلدەرى بۇل ارەكەتى ارقىلى بەيجىڭگە قارسىلىعىن كورسەتۋدى كوزدەيدى.

"ەگەر ولار ءوز وتستاۆكاسى ارقىلى راديكالدى وپپوزيسيانى ارانداتىپ، شەتەلدىڭ نازارىن اۋدارۋدى ويلاسا، كوزدەگەن ماقساتىنا جەتە المايتىنىن ايتقىم كەلەدى" دەدى رەسمي وكىل.

جۇڭگو سارسەنبىدە جاريالاعان قاراردا گونكونگتىڭ تاۋەلسىزدىك الۋىن قولداپ، قىتايدىڭ ەگەمەندىگىن مويىنداماي، شەتەلدەن كومەك سۇراعاندار ۇلتتىق قاۋىپسىزدىككە ءقاۋىپ توندىرەدى دەپ جازىلعان.  

اتالمىش قارار جاريالاعاننان كەيىن گونكونگ قالانىڭ زاڭدى كەڭەسىنەن ءتورت وپپوزيسيا وكىلىن شىعاردى. ونداعى 70 ادامنىڭ 21 وپپوزيسيا وكىلى بولاتىن. بەيجىڭ قارارىنان كەيىن جۇمىستان بوساتىلعان 4 ارىپتەسىن قولداۋ ماقساتىندا جانە قىتايعا قارسىلىق رەتىندە 15 وپپوزيسيا وكىلى وتستاۆكاعا كەتەتىنىن جاريالادى.

قالا اكمىشىلگى ءتورت وپپوزيسيا وكىلى جۇمىستان بوساتىلىپ قانا قويماي، كەلەسى وتەتىن سايلاۋعا قاتىسۋ قۇقىعىنان ايىرىلعانىن حابارلادى. سايلاۋ 2020 جىلدىڭ قىركۇيەگىندە ءوتۋى كەرەك ەدى. الايدا 2021 جىلعا اۋىستىرىلعان.

بەيجىڭ مەن گونكونگ ءتورت ادامنىڭ زاڭعا قايشى ناقتى قانداي ارەكەت جاساعاندارىن اشىپ ايتپادى. جۇمىستان شەتتەتىلگەن تورتەۋدىڭ ىشىندە دەنيس كۋوك (Dennis Kwok) پەن الۆين يەنگ نگوك-كيۋ (Alvin Yeung Ngok-kiu) بار. ولار اقش سەناتورىمەن بىرلەسىپ گونكونگقا سانكسيا سالۋ تۋرالى حاتقا قول قويعان. كەننەز لەۋنگ (Kenneth Leung) اقش-قا ساپارىندا پرەسس-كونفەرەنسياعا قاتىسىپ، وندا سانكسيانى قولدايتىنىن ايتقاننان كەيىن وعان قاتىستى قۋدالاۋ باستالعان. ءتورتىنشى وپپوزيسيا وكىلى كۋوك كا-كي (Kwok Ka-Ki) شەتەلدىكتەردەن گونكونگقا سانكسيا سالۋدى سۇراۋعا نيەتتى بولعان دەگەن جەلەۋمەن قۋدالاندى.