ەلوردادا "Nur Otan" قالالىق فيليالىنىڭ كونفەرەنسياسىندا ءماسليحاتقا پارتيالىق ءتىزىم قالىپتاستىرىلىپ، پارلامەنت ءماجىلىسىنىڭ پارتيالىق تىزىمىنە كانديداتتار انىقتالدى. سونداي-اق، قالالىق سايلاۋالدى باعدارلاماسى بەكىتىلىپ، پارتيانىڭ XX سەزىنە قاتىسۋ ءۇشىن دەلەگاتتار سايلاندى، دەپ حابارلايدى "Nur Otan" ورتالىق اپپاراتىنىڭ باسپا ءسوز قىزمەتى.

سونىمەن، ەڭ جوعارى رەيتينگكە يە پرايمەريزگە قاتىسۋشىلار قاتارىنان جانە فيليال كۆوتاسىن ەسكەرە وتىرىپ، قالا ءماسليحاتىنا 1 ورىنعا 2 ادام قاعيداتى بويىنشا 62 كانديداتتان تۇراتىن پارتيالىق ءتىزىم قالىپتاستىرىلدى.

تالداۋ كورسەتكەندەي، تىزىمدەگى ايەلدەردىڭ ۇلەسى 20-دان 30% عا دەيىن، ال 35 جاسقا دەيىنگى جاستار 0-دەن 22،5%-عا دەيىن ءوستى. ۇمىتكەرلەردىڭ ورتاشا جاسى 9 جاسقا – 52 جاستان 43 جاسقا دەيىن جاساردى. قىزمەتتەگى 25 دەپۋتاتتىڭ 5ء-ى عانا جاڭا پارتيالىق تىزىمگە ەندى. جالپى، ءماسليحاتتاعى ەلوردالىق "Nur Otan" پارتياسىنىڭ ءتىزىمى 90 پايىزعا جاڭارتىلدى.

تىزىمدە شوب وكىلدەرىنىڭ ۇلەسى باسىم – 32،2%، ءبىلىم بەرۋ سالاسى – 20،9%، دەنساۋلىق ساقتاۋ سالاسى – 11،4% جانە ت.ب. بار. پارتيالىق تولىق ءتىزىمدى primaries.kz. سايتىنان كورە الاسىزدار.

كونفەرەنسيا بارىسىندا ماجىلىسكە پارتيالىق تىزىمگە ۇمىتكەرلەر اراسىندا پىكىرسايىس ءوتتى. ءبىرىنشى راۋندتا قاتىسۋشىلار وزدەرىنىڭ سايلاۋالدى باعدارلامالارىنىڭ نەگىزگى تەزيستەرىن تانىستىردى، ەكىنشى راۋندتا "سۇراق-جاۋاپ" تۇرىندەگى پىكىرتالاس سەسسياسى ءوتتى.

10 ۇمىتكەردىڭ ىشىنەن پارتيا مۇشەلەرى "پرايمەريز" اقپاراتتىق جۇيەسى ارقىلى قالالىق وكىلدىك كۆوتاسىنا سايكەس 5 كانديداتتى تاڭدادى.

بالالار اۋرۋحاناسىنىڭ مەڭگەرۋشىسى لاريسا پاۆلوۆەس، "اتامەكەن" ۇكپ وكىلى الماز ءجۇنىسوۆ، "حالىقارالىق جاھاندىق ايەلدەر كوشباسشىلىعى" قوعامدىق بىرلەستىگىنىڭ جەتەكشىسى بالتايەۆا حانزادا، سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرى راسۋل مەدەتوۆ جانە بيزنەس وكىلى باۋىرجان يسابايەۆ ەڭ كوپ داۋىس جينادى.

فيليال ءتوراعاسى التاي كولگىنوۆ اتاپ وتكەندەي، قالانىڭ سايلاۋالدى باعدارلاماسى ازاماتتارعا جايلى تۇرمىس جاعدايلارىن قامتاماسىز ەتۋگە باعىتتالعان ناقتى ماقساتتى ينديكاتورلارعا نەگىزدەلگەن.

– "حالىق ۇنىنە قۇلاق اساتىن مەملەكەت" تۇجىرىمداماسى – تۇرعىندار مەن بيلىك اراسىنداعى تۇراقتى ديالوگ. ءبىزدىڭ مىندەتىمىز – ازاماتتاردىڭ ماسەلەلەرىن ەستىپ جانە كورىپ قانا قويماي، ەڭ باستىسى ولارعا دۇرىس جانە جەدەل جاۋاپ بەرۋ. سوندىقتان قالالىق سايلاۋالدى باعدارلاما پرايمەريز كەزىندە تۇرعىنداردان تۇسكەن ۇسىنىستاردى ەسكەرە وتىرىپ، پىسىقتالدى، – دەدى التاي كولگىنوۆ.

ەسكە سالا كەتەيىك، بۇعان دەيىن "Nur Otan" پارتياسى وڭىرلىك فيليالداردىڭ كونفەرەنسيا كەستەسىن جاريالاعان بولاتىن، ونىڭ بارىسىندا بارلىق دەڭگەيدەگى ءماسليحاتتارعا پارتيالىق تىزىمدەر جانە ءار وڭىردەن ماجىلىسكە پارتيالىق تىزىمگە كانديداتتار انىقتالاتىن بولادى.

كەشە شىمكەنت جانە الماتى قالالارىندا كونفەرەنسيا ءوتتى. الماتى، قاراعاندى جانە قىزىلوردا وبلىستارىندا 16 قاراشادا وتەدى. اقمولا، شىعىس قازاقستان، جامبىل، باتىس قازاقستان، تۇركىستان، اتىراۋ، قوستاناي، ماڭعىستاۋ، پاۆلودار جانە سولتۇستىك قازاقستان وبلىستارىندا – 17 قاراشادا وتەدى.

قالالىق جانە ايماقتىق كونفەرەنسيالاردا كانديداتتار اراسىنداعى پىكىرسايىس پرايمەريزدىڭ ەكىنشى دەڭگەيى اياسىندا وتكىزىلەدى.

پارتياىشىلىك ىرىكتەۋدىڭ ءبىرىنشى كەزەڭىنە 10 مىڭ كانديدات قاتىستى. ونىڭ 37%-ى – ايەلدەر، 29%-ى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 30%-ى ۇسىنىلسا، 70%-ى – ءوزىن-وزى ۇسىنۋشىلار. ۇمىتكەرلەردىڭ ورتاشا جاسى – 43 جاس. بۇل رەتتە داۋىس بەرۋگە 662 مىڭنان استام پارتيالىق قاتىستى.