قاراعاندى وبلىسى ساتپايەۆ قالاسىندا يت قاپقان 6 جاستاعى قىز كوز جۇمدى. قالا اكىمشىلىگى قىزدىڭ تۇرمىسى تومەن وتباسىدان شىققانىن حابارلاپ، جەرلەۋ راسىمىنە كومەكتەسەتىنىن مالىمدەدى، دەپ جازادى zakon.kz.
"1993 جىلعى ايەل ءۇش بالاسى جانە كورشىسىمەن قالا سىرتىنداعى ساياجايدا تۇرىپ جاتقان. وتباسى پوليسيادا تۇرمىسى تومەن جانۇيا تىزىمىندە تۇر. سونداي-اق ءبىلىم ءبولىمىنىڭ قامقورلىعىنا الىنعان. قازىرگى ۋاقىتتا وتباسىنداعى ەكى بالا "قامقور" وڭالتۋ ورتالىعىنا ورنالاستىرىلعان. تراگەديا بولعان كۇنى بالا زەينەت جاسىنداعى ادامنىڭ قاراۋىندا بولعان" دەلىنگەن قالا اكىمدىگى تاراتقان اقپاراتتىق حابارلامادا.
قارالى جانۇيانىڭ جاعدايىن قالا اكىمىنىڭ ورىنباسارى ءداۋىر جۇنىسبەكوۆ ءبىلىپ قايتقان.
بۇگىندە وقيعاعا قاتىستى تەرگەۋ جۇرگىزىلىپ جاتىر. قىزدىڭ اتا-اناسى جاۋاپقا تارتىلۋى مۇمكىن.
