قىزىلوردا، الماتى جانە قاراعاندى وبلىستارىندا وتكەن ايماقتىق كونفەرەنسيالار بارىسىندا ماجىلىسكە Nur Otan-نىڭ پارتيالىق تىزىمىنە ۇمىتكەرلەر انىقتالدى. سونداي-اق، وبلىستىق سايلاۋالدى باعدارلامالارى بەكىتىلىپ، پارتيانىڭ XX سەزىنە قاتىسۋ ءۇشىن دەلەگاتتار سايلاندى.

پارتيا ورتالىق اپپاراتىنىڭ باسپا ءسوز قىزمەتى حابارلاعانداي، پىكىرسايىس قورىتىندىسى بويىنشا وبلىستىڭ وكىلدىك كۆوتاسىنا سايكەس، ماجىلىستەگى پارتيالىق تىزىمگە ءۇش وڭىردەن 17 ادام ەنگىزىلدى.

اتاپ ايتقاندا، الماتى وبلىسىندا پىكىرسايىس قورىتىندىسى بويىنشا ءتورت داۋىس باسىمدىقپەن كوپبالالى انا جانە پرايمەريزدىڭ ءبىرىنشى كەزەڭىنىڭ جەڭىمپازى ءاليا ابسەمەتوۆا ءبىرىنشى ورىنعا شىقتى. پارتيا جاقتاستارى ليگاسىنىڭ مۇشەسى ءاليا ابسەمەتوۆانىڭ پارتياىشىلىك ىرىكتەۋ باستالار الدىندا عانا «Nur Otan» مۇشەلىگىنە وتكەنىن ايتا كەتكەن ءلازىم.

ودان كەيىنگى ورىنداردا 127 داۋىس جيناعان اۆتوجول قىزمەتكەرى ەرجان جاسىبايەۆ پەن 123 داۋىس جيناعان مەملەكەتتىك قىزمەتشى دانيار الىمبايەۆ كەلەدى. سونىمەن بىرگە تىزىمگە ءبىلىم سالاسىنىڭ وكىلدەرى جاننا تەلپەكبايەۆا مەن دامير ديگاي، جۋرناليست ماقپال تاجماعامبەتوۆا، كاسىپكەر دوسان كارىموۆ جانە مادەنيەت سالاسىنىڭ قىزمەتكەرى كونستانتين نەستەروۆ ەندى.

قىزىلوردا وبلىسىندا بىرنەشە داۋىس شەشۋشى ءرول اتقاردى. ءماجىلىستىڭ قىزمەتتەگى دەپۋتاتى بالايىم كەسەبايەۆا 114 داۋىس جيناسا، ودان كەيىنگى «بايقوڭىر» اكك باسشىسى عالىم امىرەيەۆتە – 110 داۋىس. ءۇشىنشى ورىندى 100 داۋىسپەن جەكە سەكتور وكىلى ايدا ابيبۋللايەۆا يەلەندى. ول ۇزدىك ۇشتىككە جانە تيىسىنشە ماجىلىسكە كانديداتتار تىزىمىنە دە ەنبەي قالعان كاسىپكەر اسقار ماحامبەتوۆتەن بار-جوعى 4 داۋىسقا باسىم ءتۇستى.

قاراعاندى وبلىسىندا پارلامەنت تومەنگى پالاتاسىنىڭ قىزمەتتەگى دەپۋتاتى گۇلنار بيجانوۆا ەڭ كوپ داۋىس جينادى. ەكىنشى ورىندى 99 داۋىسپەن ۇلىتاۋ اۋداندىق پارتيا فيليالىنىڭ ءتوراعاسى بەرىك ءابدىعالي ۇلى يەلەندى. سونىمەن قاتار تىزىمگە جوو وقىتۋشىسى امانجول التاي، پارتيانىڭ قاراعاندى قالالىق فيليالى ءتوراعاسىنىڭ ءبىرىنشى ورىنباسارى يۋليا بادينا، بيزنەس وكىلدەرى سۇيىندىك اسان جانە ۆاديم باسين كىردى.

ايتا كەتەيىك، بۇعان دەيىن ءماجىلىستىڭ پارتيالىق تىزىمىنە ەلوردا، الماتى جانە شىمكەنت قالالارىنان كانديداتتار سايلانعان بولاتىن. ەرتەڭ تاعى 11 وڭىردەن ۇمىتكەرلەردىڭ ەسىمدەرى بەلگىلى بولادى. قورىتىندى ءتىزىم 25 قاراشادا پارتيانىڭ XX سەزىندە بەكىتىلەدى.

«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ءقازىردىڭ وزىندە بارلىق دەڭگەيدەگى 216 ءماسليحاتقا 6253 ادامنان تۇراتىن پارتيالىق تىزىمدەر ازىرلەنگەنىن اتاپ وتكەن بولاتىن.

ايەلدەردىڭ ۇلەس سانى 22-دەن 34%-كە دەيىن، جاستار – 3،5 ەسە، 7-دەن 24%-كە دەيىن ارتتى. قازىرگى قىزمەت ەتىپ وتىرعان ءماسليحاتتاردىڭ قۇرامىمەن سالىستىرعاندا ورتاشا جاسى 7 جاسقا – 51-دەن 44-كە دەيىن جاساردى.

پارتيالىق تىزىمدەردىڭ 24%ء-ىن قىزمەتتەگى دەپۋتاتتار قۇرايدى، ال 76%ء-ى – جاڭا تۇلعالار. سونىمەن قاتار پارتيا قاتارىنا 42 مىڭنان استام جاڭا مۇشە قوسىلدى. ولاردىڭ 1000-نان استامى پارتياىشىلىك سايلاۋعا قاتىسىپ، ءاربىر 3ء-شىسى «Nur Otan»-نىڭ پارتيالىق تىزىمىنە ەندى.
ەلەكتروندى داۋىس بەرۋ ناتيجەلەرىمەن جانە كانديداتتار تىزىمىمەن Primaries.kz سايتىنان تانىسۋعا بولادى.