2020 جىلعى 12 قاراشادا "قارۋ" جەدەل-الدىن الۋ ءىس-شاراسى شەڭبەرىندە مويىنقۇم اۋدانىنىڭ قۇمعا جاقىن ماڭداعى مال جايىلىمى اۋماعىندا جەدەل-ىزدەستىرۋ ءىس-شارالارىن جۇرگىزۋ بارىسىندا قويشى بولىپ جۇمىس ىستەيتىن 34 جاستاعى جەرگىلىكتى تۇرعىننىڭ كىشكەنە ۆاگونىنان جالپى سالماعى 1 كەلى 310 گرامم "كەپتىرىلگەن ماريحۋانا" ەسىرتكى زاتى تابىلىپ، تاركىلەندى، دەپ حابارلايدى Qamshy.kz اقپارات اگەنتتىگى جامبىل وبلىسىنىڭ پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ۆاگوننان 1 ويىق قارۋ، 5 تىركەلمەگەن اڭشى مىلتىعى، 56 پاترون، سونداي-اق رەسپۋبليكا اۋماعىندا اۋلاۋعا تىيىم سالىنعان "قاراقۇيرىق" جانۋارىنىڭ ۇشاسى مەن باسى تابىلدى.
اتالعان دەرەككە قاتىستى ق ر قك 4ء-بولىمىنىڭ 296-بابى (اسا ءىرى مولشەردە ەسىرتكى زاتتارىن زاڭسىز ساقتاۋ) جانە ق ر قك 4ء-بولىمىنىڭ 337-بابى (زاڭسىز اڭ اۋلاۋ) بويىنشا سوتقا دەيىنگى تەرگەۋ امالدارى باستالدى.
ۇستالعان ازامات ءوز كىناسىن تولىق مويىندادى. ەسىرتكى قۇرالدارىن اسا ءىرى مولشەردە زاڭسىز ساقتاعانى ءۇشىن 3 جىلعا دەيىن، زاڭسىز اڭ اۋلاعانى ءۇشىن 3 جىلدان 7 جىلعا دەيىن باس بوستاندىعىنان ايىرۋ جازاسى كوزدەلگەن.
پىكىر قالدىرۋ