COVID-19 بويىنشا ەلدەگى ەپيدەميولوگيالىق احۋالدى حابارلايتىن رەسمي www.coronavirus2020.kz سايتىندا كوروناۆيرۋستان قايتىس بولعاندار تۋرالى اقپارات جاڭارماي تۇر.
بۇگىن دەنساۋلىق ساقتاۋ مينيسترلىگى ادەتتەگىدەي كوروناۆيرۋس بويىنشا تاۋلىكتىك ستاتيستيكانى جاريالادى. مينيسترلىك مالىمەتىنشە، قازاقستاندا وتكەن تاۋلىكتە 682 ادامنان كوروناۆيرۋس انىقتالىپ، 7 ادام قايتىس بولعان. ۆيرۋس جۇقتىرعانداردىڭ جالپى سانى 122 335-كە، ولگەندەر سانى 1959-عا جەتكەن.
سoronavirus2020.kz سايتىندا تاۋلىك ىشىندەگى انىقتالعان جاعدايلار جالپى ستاتيستيكاعا قوسىلىپ، ۆيرۋس جۇقتىرعاندار سانى 122 335-كە جەتكەنى كورسەتىلگەن. ءبىراق قايتىس بولعاندار تۋرالى اقپاراتتا باسقا سيفرلار تۇر. مينيسترلىك سايتىندا 13 ناۋرىز بەن 18 قاراشا ارالىعىندا كوروناۆيرۋستان 1959 ادام قايتىس بولعانى جازىلسا، سoronavirus2020.kz سايتىندا 1899 ادام ولگەن دەلىنگەن.
بۇل ادەيى ىستەلىپ وتىر ما، الدە قاراپايىم قاتە مە، ازىرگە بەلگىسىز.
ءبىراق قوعامدا بيلىك كوروناۆيرۋستان قايتىس بولعاندار سانىن ادەيى ازايتىپ كورسەتىپ وتىرعانى تۋرالى پىكىر بار.
ستاتيستيكا كوميتەتىنىڭ دەرەگىنشە، 2020 جىلعى مامىر-تامىز ايلارىندا قايتىس بولعاندار سانى وتكەن جىلعى سايكەس كەزەڭمەن سالىستىرعاندا 31 مىڭ ادامعا كوپ.
شىلدە ايىندا قازاقستاندا پنيەۆمونيا ءورشىپ، ءولىم-جىتىم كوبەيگەن. سول تۇستا دۇنيەجۇزىلىك دەنساۋلىق ساقتاۋ ۇيىمى، شەتەل جانە قازاقستان عالىمدارى كوروناۆيرۋس پەن پنيەۆمونيانىڭ ءىس جۇزىندە كوروناۆيرۋس ەكەنىن ءمالىم ەتكەن.
ارتىنشا پرەزيدەنت توقايەۆ ستاتيستيكانى رەتكە كەلتىرۋدى تاپسىرعان.
دەنساۋلىق ساقتاۋ مينيسترلىگى 18 شىلدەدەن باستاپ ستاتيستيكالىق دەرەكتەردى ەسەپكە الۋ مەن قالىپتاستىرۋدىڭ جاڭا تاسىلدەرى ايقىندالعانىن حابارلادى. الايدا پنيەۆمونيا ستاتيستيكاسىن كوروناۆيرۋس دەرەكتەرىنە قوسپاي كەلەدى. سونىمەن قاتار پنيەۆمونيا ستاتيستيكاسىن تەك 1 تامىزدان بەرى عانا ۇسىندى.
وتكەن تاۋلىكتە كوروناۆيرۋس ينفەكسياسىنىڭ بەلگىلەرى بار پنيەۆمونيانىڭ 268 جاعدايى تىركەلگەن. 1 تامىز بەن 18 قاراشا ارالىعىندا 40 488 ادامنان كوروناۆيرۋس بەلگىلەرى بار پنيەۆمونيا انىقتالعان. 421 ادام قايتىس بولعان.
پىكىر قالدىرۋ