نۇر-سۇلتان قالاسىندا "Adal" ساياسي پارتياسىنىڭ كەزەكتەن تىس VII سەزى ءوتىپ، ۇيىمنىڭ سايلاۋالدى باعدارلاماسىنىڭ جوباسى تانىستىرىلدى.

پارتيا باسپا ءسوز قىزمەتىنىڭ حابارلاۋىنشا، "Adal" پارتياسى قوعام ءومىرىنىڭ بارلىق سالاسىندا كەڭ اۋقىمدى جاڭعىرتۋ ىسىنە كىرىسۋگە نيەتتى.

– ءبىز العا قويعان بارلىق ماقساتقا قول جەتكىزۋىمىز قاجەت. كۇندەلىكتى جۇمىسىمىزدىڭ، ىس-ارەكەتىمىزدىڭ ءمانى ازاماتتارىمىزعا قامقورلىق ەكەندىگىن كورسەتكىمىز كەرەك. بۇل پارتيا جۇمىسىنىڭ ءمانى دەپ سانايمىز. پارتيا باعدارلاماسى 5 نەگىزگى باسىمدىقتان تۇرادى. ولار: بارلىق ازاماتقا لايىقتى ءومىر؛ كاسىپكەرلىك – تابىستى مەملەكەتتىڭ نەگىزى؛ اوك-تى دامىتۋ جانە ازىق-تۇلىك قاۋىپسىزدىگى؛ قۋاتتى ءوڭىر – قۋاتتى ەل؛ مەملەكەت ادامدار ءۇشىن، – "ADAL" ساياسي پارتياسى ساياسي كەڭەسىنىڭ مۇشەسى ولجاس وردابايەۆ.

پارتيا ساياسي كەڭەسىنىڭ مۇشەسى مۇرات قوجامقۇلوۆ ۇمىتكەرلەر تىزىمىنە ءار سالادان بەلگىلى ازاماتتار ەنگەن. تىزىمدە 20 ادام بار، ونىڭ 10-ى ساياسي كەڭەس مۇشەسى. مۇرات قوجامقۇلوۆتىڭ ايتۋىنشا، ءتىزىم جاساۋدا وڭىرلىك، گەندەرلىك جانە باسقا دا تەپە-تەڭدىكتى ساقتاۋ باسشىلىققا الىنعان.

"Adal" ساياسي پارتياسىنان ءماجىلىس دەپۋتاتتىعىنا ۇسىنىلعان ۇمىتكەرلەر ءتىزىمى تومەندەگىدەي:

1. سەرىك سۇلتانعالي – "Adal" پارتياسىنىڭ ءتوراعاسى؛
2. ەلدار جۇماعازييەۆ – مەملەكەت جانە قوعام قايراتكەرى، ءبىرقاتار ءبىلىم جانە الەۋمەتتىك جوبالاردىڭ اۆتورى، ەكونوميست، ساياساتتانۋشى؛
3. ارداق نازاروۆ – بەلگىلى سپورتشى، قوعام بەلسەندىسى؛
4. ماقسات تولىقباي – بەلگىلى تەلەجۋرناليست، "اشىق الاڭ" تەلەجوباسىنىڭ جۇرگىزۋشىسى، Maltabu.kz سايتىنىڭ اۆتورى؛
5. الماسبەك سادىربايەۆ – "شوپان اتا" قازاقستان قوي وسىرۋشىلەرى قاۋىمداستىعىنىڭ ءتوراعاسى؛
6. داۋلەت مۇقايەۆ – تەلەجۋرناليست، قوعام بەلسەندىسى؛
7. ولجاس وردابايەۆ – "اتامەكەن" ۇلتتىق كاسىپكەرلەر پالاتاسى ءتوراعاسىنىڭ ورىنباسارى، ءبىلىم بەرۋ سالاسىنىڭ ساراپشىسى؛
8. جيگۋلي دايرابايەۆ – "قازاقستان فەرمەرلەر وداعى" رەسپۋبليكالىق قوعامدىق بىرلەستىگىنىڭ پرەزيدەنتى؛
9. نۇرلىبەك مالەلوۆ – قارجىگەر، مەملەكەت قايراتكەرى؛
10. عالىمبەك جاقسىلىقوۆ – قوعام قايراتكەرى، قىزىلوردا وبلىسىنىڭ بەلسەندى تۇرعىنى؛
11. لاۋرا ماليكوۆا – "تاجىريبەلى ەكولوگتار قاۋىمداستىعىنىڭ" ءتوراعاسى؛
12. يگور شاسكيي – كاسىپكەرلەر قۇقىعىن قورعاۋ جونىندەگى ساراپشى؛
13. الينا ابدراحمانوۆا – بيزنەس-بىلىم بەرۋ سالاسىن باسقارۋ جونىندەگى مامان، ساراپشى؛
14. حاليولا اكدراشيەۆ – كاسىپكەر؛
15. لياززات چينكيسبايەۆا – "مەنىڭ اتامەكەنىم" الەۋمەتتىك قورىنىڭ ءتوراعاسى؛
16. مۇرات قوجامقۇلوۆ – پارتيانىڭ نۇر-سۇلتان قالالىق فيليالىنىڭ ءتوراعاسى؛
17. عاني ابادان – پارتيانىڭ الماتى قالالىق فيليالىنىڭ ءتوراعاسى؛
18. تيمۋر ابدىكارىموۆ – پارتيانىڭ ماڭعىستاۋ وبلاستىق فيليالىنىڭ ءتوراعاسى؛
19. اقمارال بەكمۇرزايەۆا – بيزنەس-ترەنەر، كاسىپكەر؛
20. ءانۋار كەرەمبايەۆ – ەكونوميكا ساراپشىسى.