"كىرگىز جولۋ" قوعامىنىڭ ءتوراعاسى قادىربەك قوشالييەۆ قىرعىزستان اتاۋىن وزگەرتۋدى ۇسىندى، دەپ حابارلايدى Qamshy.kz اقپارات اگەنتتىگى 24.kg-گە سىلتەمە جاساپ.
بىشكەكتە كەزەكتى كونستيتۋسيالىق كەڭەس ءوتىپ جاتىر. قادىربەك قوشالييەۆ كونستيتۋسياعا ەل اتاۋىن "قىرعىز حالىق رەسپۋبليكاسى" دەپ جازۋدى ۇسىندى.
"ءبىز العاش رەت كونستيتۋسياعا رەسمي تۇردە حالىق قۇرىلتايى ينستيتۋتىن ەنگىزىپ وتىرمىز. ەشبىر ەلدە حالىق بيلىگى جوق. بىزدە وليگارحتار بيلىگى ورناعان. حالىق بيلىگىن كۇشەيتەتىن تەتىك كەرەك. كەز-كەلگەن لاۋازىمدى قىزمەت حالىق قۇرىلتايىندا بەكىتىلۋى كەرەك. سول كەزدە جەمقورلىقتى بولدىرمايمىز جانە شەنەۋنىكتەر ىسكە ۇلكەن جاۋاپكەرشىلىكپەن قارايدى"، - دەدى ول.
ەستەرىڭىزگە سالا كەتەيىك، قىرعىزستاندا جوعارى كەڭەستىڭ 80 دەپۋتاتى كونستيتۋسيانىڭ جاڭا جوباسىن جانە رەفەرەندۋم وتكىزۋ تۋرالى زاڭدى ماقۇلدادى. رەفەرەندۋم 10 قاڭتاردا وتەدى.
كونستيتۋسيا جوباسى پارلامەنتتىڭ رەسمي سايتىندا حالىق تالقىسىنا ۇسىنىلدى.
قىرعىزستان پرەمەر-مينيسترى سادىر جاپاروۆ كونستيتۋسيانى وزگەرتۋ باستاماسىن كوتەرگەن. زاڭدى وزگەرتۋ دەپۋتاتتاردىڭ موينىنا جۇكتەلدى. الايدا دەپۋتاتتاردىڭ وكىلەتتىك مەرزىمى 28 قازاندا بىتكەن.
پىكىر قالدىرۋ