ارميان باسقىنشىلارى ازەربايجاننىڭ كەلبادجار اۋدانىنداعى وزدەرى تۇرعان ۇيلەردى ورتەپ، مەملەكەتتىك مەكەمەلەردى توناپ، مالداردى ءولتىرىپ، ورماندى قيراتىپ ءبىر-اق كەتتى. ولار قۇرتقان دۇنيەلەردىڭ بارلىعىنىڭ يەسى "ءوزىمىز" دەپ ۇعىنعان. شىنىندا سولاي ما؟  اze.az سايتى وسىلاي دەپ مالىمدەدى.  

كەلبادجار – ازەربايجانداعى ەڭ ۇلكەن اۋداننىڭ ءبىرى. 1979 جىلعى ساناق بويىنشا، وندا سوعىسقا دەيىن 49 ارميان تۇردى. ياعني ستاتيستيكاعا سايكەس، حالىقتىڭ شامامەن 0،1%-ىن قۇرايدى.

"ۆەستنيك كاۆكازا" باسىلىمى ارميانداردىڭ دۇرىس دەپ ساناعان ارگۋمەنتتەرى ەشقانداي شىندىققا جاناسپايتىندىعىن ايتىپ، "قاتە تۇسىنىك" دەگەن باعا بەرگەن. باسىلىمىننىڭ حابارلاۋىنشا، ارمياندار ءوزىنىڭ ەمەس، وزگەنىڭ ءۇيىن ورتەپ، وزگەنىڭ ورمانىن قيراتىپ، وزگەنىڭ مالىن قىرىپ سالدى.  

بۇعان دەيىن قاراباق قاقتىعىسىنىڭ اياقتالعانى تۋرالى حابارلانعان. ارمەنيا پرەمەر-مينيسترى نيكول پاشينيان ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قاراباقتا اسكەري ارەكەتتەردى توقتاتۋ تۋرالى كەلىسىمگە قول قويدى. وسىلايشا ءۇش ەلدىڭ اراسىندا بولعان كەلىسىم بويىنشا 3 اۋدان ازەربايجانعا قايتارىلىپ، باسقىنشى اسكەر ايماقتان شىعارىلادى. بۇل كەلىسىمنەن كەيىن ارمەنيا استاناسى ەريەۆاندا پرەمەر-مينيسترگە قارسى ميتينگتەر ءوتىپ، سودان بەرى حالىق پاشينياننىڭ وتستاۆكاعا كەتۋىن تالاپ ەتىپ كەلەدى.