بۇگىن اقتوبە وبلىسىنىڭ اكىمى وڭداسىن ورازالين بەستاماقتاعى دوڭىز فەرماسىنا بايلانىستى باستاماشىل توپ مۇشەلەرىمەن كەزدەستى. بۇل تۋرالى اكىم facebook پاراقشاسىندا ءمالىم ەتتى.

اكىم جۇزدەسۋ بارىسىندا باستاماشىل توپ مۇشەلەرى كوپشىلىكتىڭ وي پىكىرلەرىن جەتكىزىن، ولاردى مۇقيات تىڭداپ، ءتيىستى ورگاندارعا قىسقا مەرزىمدە جانە شۇعىل ءىس-شارالار جۇرگىزۋدى تاپسىرعانىن اتاپ ءوتتى.

"قاي ماسەلە بولسا دا اشۋعا سالماي، اقىلعا سالىپ شەشەتىن حالىقپىز عوي. بۇل پروبلەمانىڭ دا وڭتايلى شەشۋ جولدارىن بىرگە قاراپ، ورتاق ءبىر مامىلەگە كەلدىك. 

بۇل جەردە ەكى ماسەلە بار:
بىرىنشىدەن، قورشاعان ورتاعا كەلتىرگەن زياندى زاتتاردى زالاسىزداندىرۋ، وتەماقى تولەتتىرۋ جانە زاڭ اياسىندا جاۋاپقا تارتۋ. بۇنىمەن قۇقىق قورعاۋ ورگاندارى اينالىسۋدا، ءتيىستى تاپسىرما بەرىلدى.
ەكىنشىدەن، كوپشىلىكتىڭ پىكىرىن ەسكەرىپ، تەكسەرىس قورىتىندىسىنىڭ ناتيجەسىمەن «پاريجسكايا كوممۋنا – XXI» ج ش س باسشىلىعىنا شارۋاشىلىقتىڭ باعىتىن وزگەرتۋگە نەمەسە مۇلدەم جابۋ تۋرالى تالاپ قويىلادى. بۇل ماسەلەنىڭ شەشىلۋ مەرزىمىن انىقتاۋدى ارنايى ماماندارعا تاپسىرامىن.
شارالار بارىسى ءوزىمنىڭ جەكە باقىلاۋىمدا. ارنايى قۇرىلعان كوميسسيا مۇشەلەرى كۇندەلىكتى جۇمىس بارىسىن بايانداپ وتىر" دەلىنگەن اكىم جازباسىندا.