2020 جىلعى 21 قاراشادا جامبىل وبلىسىنىڭ پوليسيا قىزمەتكەرلەرى ت.رىسقۇلوۆ اۋدانىنىڭ جايىلىمىنداعى قۇمعا جاقىن ماڭداعى ايماقتا قويشى بولىپ جۇمىس ىستەيتىن جۋالى اۋدانىنىڭ 42 جاستاعى تۇرعىنىن ۇستادى، ودان 16 كەلىدەن  استام "كەپتىرىلگەن ماريحۋانا" ەسىرتكى زاتى تابىلىپ، تاركىلەندى، دەپ حابارلايدى Qamshy.kz اقپارات اگەنتتىگى جامبىل وبلىسى پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

اتالعان دەرەككە قاتىستى  قىلمىستىق كودەكستىڭ 296-بابى 4-بولىگى (ەسىرتكى قۇرالدارىن، پسيحوتروپتىق زاتتاردى، سول تەكتەستەردى اسا ءىرى مولشەردە وتكىزۋ ماقساتىنسىز زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ) بويىنشا سوتقا دەيىنگى تەرگەۋ باستالعان.

كۇدىكتى ءوز كىناسىن مويىندادى. كۇدىكتى قاماۋعا الىندى. جامبىل وبلىسى پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جىل باسىنان بەرى 785 قىلمىستىق قۇقىق بۇزۋشىلىق دەرەگىن انىقتاعان. ونىڭ ىشىندە 120 ەسىرتكى وتكىزۋ دەرەگى، 59 اسا ءىرى كولەمدە ساقتاۋ دەرەگى، 5 ەسىرتكى قۇرالدارىنىڭ كونترابانداسى،  4 ەسىرتكى قۇرالدارىن ناسيحاتتاۋ نەمەسە زاڭسىز جارنامالاۋ جانە 574 قىلمىستىق تەرىس قىلىق دەرەگى بار.

پوليسەيلەر زاڭسىز اينالىمنان 3 توننادان استام ءتۇرلى ەسىرتكى زاتتارىن تاركىلەدى:  70 كەلى  گاشيش، 2 توننا 907 كەلى  ماريحۋانا، 1 كەلى  گەروين جانە 2 كەلى سينتەتيكالىق ەسىرتكى.