ورىس ءتىلى قىرعىزستاندا رەسمي ءتىل رەتىندە قالدى. بۇل تۋرالى ونلاين رەجيمدە وتكەن بريفينگتە «ادام مەن ازاماتتىڭ قۇقىعى مەن ەركىندىگى» سەكسياسىنىڭ باسشىسى نۇرلان شەرىپوۆ حابارلادى.
ونىڭ ايتۋىنشا ءتۇرلى ۇسىنىس ايتىلدى، ءبىراق كونستيتۋسيالىق كەڭەس مۇشەلەرى نەگىزگى ءتىل – قىرعىز، رەسمي ءتىل – ورىس ءتىلى بولىپ قالادى دەپ شەشتى.
– ورىس ءتىلى - رەسمي ءتىل. كونستيتۋسيالىق كەڭەس قىرعىز ءتىلىن مەملەكەتتىك ءتىل دەپ قالدىردى. اعىلشىن ءتىلىن دە رەسمي ءتىل رەتىندە ەنگىزۋ ۇسىنىلعان، ءبىراق ۇسىنىس قابىلدانبادى.
كەشە كونستيتۋسيالىق كەڭەس مۇشەسى ساديردين تورەالييەۆ ورىس ءتىلىن رەسمي ءتىل ستاتۋسىنان ايىرۋدى ۇسىندى. ونىڭ سوزىنشە جاستار قىرعىز تىلىندە سويلەمەيتىن بولعان. ساديردين تورەالييەۆتىڭ ۇسىنىسى قىزۋ تالقىعا ۇلاستى.
پىكىر قالدىرۋ