الماتى وبلىسىنىڭ شونجى ەلدى مەكەنىنە بەكەتتەر قويىلدى. بۇل تۋرالى وبلىستىڭ باسپا ءسوز قىزمەتى حابارلادى.
شونجىدا سوڭعى ون كۇندە 21 ادامنان كوۆيد بەلگىلەرى انىقتالعان.
ىندەتتىڭ ورشۋىنە بايلانىستى اۋداندىق باس سانيتار دارىگەردىڭ قاۋلىسىمەن اۋىلعا ءتورت تەكسەرىس بەكەتى قويىلعان. سونىڭ نەگىزىندە ءبىرقاتار شەكتەۋ شارالارى ەنگىزىلىپ، ساقتىق شارالارى كۇشەيتىلدى.
ءبىر وتباسى مۇشەلەرى بولماسا كوشەدە توپتاسىپ جۇرۋگە تىيىم سالىندى.
ساۋدا ۇيلەرى مەن دۇكەندەردىڭ جۇمىس ۋاقىتى قىسقارتىلدى. ەلدى مەكەنگە سىرتتان كەلگەندەر كىرگىزىلمەيدى. تەك ازىق-تۇلىك تاسىمالدايتىن جانە ترانزيت ارقىلى وتەتىن مەديسينالىق، كوممۋنالدىق قىزمەتتەر مەن وزگە قۇرىلىمداردىڭ ماماندارىنا عانا رۇقسات بەرىلىپ وتىر.
ونىڭ وزىندە جولاۋشىلاردىڭ دەنە قىزۋى ولشەنىپ، ساۋالناما جۇرگىزىلگەننەن كەيىن جىبەرىلەدى.
پىكىر قالدىرۋ