«الماتى» تا-نىڭ Akimat Live باعدارلاماسىنداعى تىكەلەي ەفير بارىسىندا مەگاپوليس اكىمى باقىتجان ساعىنتايەۆ كاسىپكەرلەردى ىنتىماقتاستىق تانىتۋعا جانە كارانتيندىك شەكتەۋلەردى قاتاڭ ساقتاۋعا شاقىردى.

قالا تۇرعىندارىنىڭ سۇراقتارىنا جاۋاپ بەرە وتىرىپ، ب. ساعىنتايەۆ 32 مونتورينگتىك توپتاردىڭ بەلگىلەنگەن شەكتەۋلەردىڭ ساقتالۋىن قاداعالايتىندارىن ەسكە سالدى. 8 قازاننان 17 قاراشا ارالىعىندا 444 رەيد جۇرگىزىلدى، ونىڭ بارىسىندا 3،6 مىڭعا جۋىق نىسان تەكسەرىلدى.

تەكسەرۋ بارىسىندا 828 نىساندا (22،5%) بۇزۋشىلىقتار انىقتالدى، 90 زاڭدى تۇلعاعا 28،7 ملن تگ كولەمىندە 453 اكىمشىلىك ايىپپۇل سالىندى. ماسكا رەجيمىن بۇزعان جەكە تۇلعالارعا 15،5 ملن تگ ايىپپۇل سالىنىپ، 374 اكىمشىلىك قۇقىق بۇزۋشىلىق حاتتاما تولتىرىلدى.

«الدا كۇردەلى كەزەڭ تۇر، اۋرۋ ءورشي تۇسەتىن بولادى. ۆاكسينا پايدا بولعانشا ءبىز سانيتارلىق-ەپيدەميولوگيالىق قاۋىپسىزدىك شارالارىن قاتاڭ ساقتاۋعا ءتيىسپىز»، — دەپ اتاپ ءوتتى ب. ساعىنتايەۆ.

مەگاپوليس اكىمى ويىن ساۋىق جانە قوعامدىق تاماقتاندىرۋ سالالارىندا جۇمىس جاسايتىن شوب وكىلدەرىن وسىناۋ كۇردەلى كەزەڭدە ىنتىماقتاستىق تانىتۋعا ءبىر قادام جاساۋعا شاقىردى.

«ەگەر ءبىز بىرىمىزگە-بىرىمىز كومەكتەسپەسەك، بۇزۋشىلىقتار جالعاسادى، ياعني كوروناۆيرۋس ينفەكسياسىن جۇقتىرعاندار سانى ارتاتىن بولادى. سوندىقتان الماتىلىق ىنتىماقتاستىقتى تانىتىپ، كارانتينگە قاتىستى بەلگىلەنگەن جۇمىس كەستەسىن ساقتاۋ قاجەت»، — دەپ اتاپ ءوتتى ب. ساعىنتايەۆ.