الەم عالىمدارى كوروناۆيرۋسقا قارسى ۆاكسينا جاساۋدى جالعاستىرۋدا. ونىڭ ىشىندە جۇڭگو عالىمدارى دا بار. جۇڭگو سينوۆاك ۆاكسيناسىن جاساپ، ونى سىناقتان وتكىزۋدە، دەپ جازادى BBC.
بەيجىڭ ۆاكسيناسى يندونەزياعا جەتكىزىلدى. قاڭتارعا دەيىن تاعى 1،8 ميلليونى جەتكىزىلەدى دەپ جوسپارلانۋدا. الايدا ۆاكسينا تەستىلەۋدىڭ سوڭعى ساتىسىندا.
جۇڭگو ۆاكسيناسىنىڭ باسقا ۆاكسينالاردان ايىرماشىلىعى
كوروناۆيرۋس ۆاكسيناسى يممۋندىق جۇيەگە زاقىم كەلتىرمەيتىندەي ءولى ۆيرۋس بولشەكتەرى اعزاعا ەنگىزىلۋ ارقىلى جۇمىس ىستەيدى.
سينوۆاك ۆاكسيناسىنىڭ ءبىر ارتىقشىلىعى ونى توڭازىتقىشتا 2-8 گرادۋستا ساقتاۋعا بولادى. كوپ ۆاكسينالار -20C ساقتالۋى كەرەك، ال Pfizer ۆاكسيناسىن -70س تەمپەراتۋرادا عانا ساقتاۋعا بولادى. سينوۆاك پەن وكسفورد ۆاكسيناسى دامۋشى ەلدەر ءۇشىن ىڭعايلى. ميلليونداعان ۆاكسينانى تومەن تەمپەراتۋرادا ساقتايتىن ارنايى توڭازىتقىشقا شىعىندانۋدىڭ قاجەتى جوق.
ۆاكسينا ءتيىمدى مە؟
The Lancet جۋرنالىنىڭ مالىمەتىنە سايكەس، ازىرشە كوروناۆيرۋس ۆاكسيناسىنىڭ العاشقى جانە ەكىنشى ساتىسىنداعى سىناق ناتيجەسى عانا تانىستىرىلدى. قۇجات اۆتورلارىنىڭ ءبىرى جۋ فەنگساي (Zhu Fengcai) ءبىرىنشى كەزەڭدە 144 ادام، ەكىنشى كەزەڭدە 600 ادام قاتىسقان تەكسەرۋ ناتيجەسىندە ۆاكسينانى توتەنشە جاعداي كەزىندە قولدانۋعا بولاتىنى انىقتالعان.
قىركۇيەكتە سينوۆاك ۆاكسيناسى مىڭنان استام ەرىكتىگە سالىنعان. ونىڭ 5%-ى جايسىزدىق سەزىنگەن. برازيليادا قازاندا ءولىم جاعدايى تىركەلگەندىكتەن ۆاكسينالاۋ توقتاتىلدى. الايدا تەكسەرىس بارىسىندا ەرىكتىنىڭ ولىمىنە ۆاكسينانىڭ قاتىسى جوق ەكەنى انىقتالدى.
جىلىنا قانشا ۆاكسينا جاساپ شىعارادى؟
سينوۆاك كومپانياسى جىلىنا 300 ميلليون ۆاكسينا جاسايدى. باسقا ۆاكسينالار سەكىلدى سينوۆاك ۆاكسيناسى ەكى رەت سالىنۋى قاجەت. ازىرشە ۆاكسينا جىلىنا 150 ميلليون ادامعا سالۋعا جەتەدى. بۇل جۇڭگو حالقىنىڭ وننان ءبىر بولىگى. دەسە دە اتالمىش ۆاكسينا يندونەزيا، تۇركيا، برازيليا مەن چيليگە جەتكىزىلدى.
ساراپشىلار قىتايدىڭ ۆاكسيناعا قاتىستى ديپلوماتيالىق جارىستا جەڭۋى ءۇشىن بارىن سالىپ جاتقانىن ايتادى. جۇڭگو ۆاكسيناسىنىڭ باعاسى ازىرشە بەلگىسىز. بيىل ەكى ۆاكسينانى 200 يۋانعا باعالاۋ تۋرالى ۇسىنىس ايتىلعان. يندونەزيادا 200 000 رۋپييگە ساتىلۋى مۇمكىن. بۇل – وكسفورد ۆاكسيناسىنان قىمباتىراق.
پىكىر قالدىرۋ