راشيد تۋكەشيەۆ ەسىمدى اتىراۋ تۇرعىنى ەرەكشە بالالارعا ارنالعان بالاباقشاعا باراتىن ۇلىن ۇدايى ۇرىپ كەلگەن تاربيەشىنى ءبىر جىلدان استام ۋاقىتتان بەرى جاۋاپقا تارتقىزا ايماي جۇرگەنىن ايتىپ، instagram ارقىلى ۇندەۋ جولدادى. ايتۋىنشا، بۇعان دەيىن قالالىق دەڭگەيدەگى بارلىق قۇزىرلى ورگاندارعا شاعىمدانۋىنان ەش ناتيجە شىقپاعان. بالاسىنا قول كوتەرگەن تاربيەشى ءالى كۇنگە دەيىن جۇمىس ىستەپ ءجۇر.
جابىرلەنۋشى ق ر باس پروكۋرورىنا، ەڭبەك جانە الەۋمەتتىك قورعاۋ مينيسترلىگىنە، اتىراۋ وبلىسىنىڭ اكىمدىگىنە، مەملەكەتتىك قىزمەت جونىندەگى اگەنتتىكتىڭ دەپارتامەنتىنە، "Nur Otan" پارتياسى اتىراۋ وبلىستىق فيليالىنىڭ ءتوراعاسىنا، بلوگتار قورىنىڭ ديرەكتورى ارۋجان ساينعا جانە بارلىق قۇزىرەتتى ورگاندارعا ماسەلەگە نازار اۋدارۋدى سۇرايدى.
"2019 جىلعى 18 قاراشادا اتىراۋداعى سويلەۋىندە قيىندىقتارى بار بالالارعا ارنالعان "التىن بالىق" مامانداندىرىلعان مەملەكەتتىك بالاباقشاسىندا تاربيەشى يزماگامبەتوۆا ماريا كابدۋلوۆنا بىرنەشە رەت ۇلىم ر.ا.ەرمەكوۆكە دەنە جاراقاتىن سالعان. قولىمدا ۇلىمدى زابىرلەگەن، مازاق قىلعان، ۇرعان ساتتەر بەينەلەنگەن 25 بەينەجازبا بار. بالامنىڭ نيەۆرولوگيالىق دياگنوزى بولعاندىقتان قۇرداستارىنا قاراعاندا دامۋىندا تەجەلۋ بار. سوندىقتان بولعان جايتتى ايتا المايدى" دەلىنگەن جازبادا.
راشيد تۋكەشيەۆ "اۋداندىق، وبلىستىق ءبىلىم بولىمدەرىنە، قالالىق ىشكى ىستەر بولىمىنە، قالالىق پروكۋراتۋراعا ارىزدانعانىنان ەش ناتيجە بولمادى" دەپ وتىر. "پروكۋراتۋرا مەن قالالىق پوليسيا ءبولىمى ءىستى ۇنەمى كەيىنگە قالدىرا بەرەدى" دەگەن ول ادىلدىكتى تالاپ ەتەتىندەرىن، تاربيەشىنى جاۋاپقا تارتىپ، بالالارمەن مۇلدە جۇمىس ىستەمەيتىندەي ەتۋدى سۇرايدى.
"سوت پروسەسىن سوزباسىن. وسى 13 اي بويى ءبىز سۇمدىق جاعدايدى وتكەرىپ كەلەمىز. ءبىزدىڭ وتباسىمىز ءۇشىن بۇل ۇلكەن ستراسس. ەندى قانشا سوزۋعا بولادى" دەلىنگەن جاعدايدى الەۋمەتتىك جەلىگە جاريالاۋدان باسقا شاراسى قارماعان اكە.
پوسموترەت ەتۋ پۋبليكاسيۋ ۆ Instagram
پىكىر قالدىرۋ