"Nur Otan" پارتياسى بايزاق اۋداندىق فيليالىنىڭ ءماجىلىس زالىندا وبلىستىق سايلاۋالدى شتابىنىڭ  مۇشەلەرى،  وبلىستىق ءماسليحات دەپۋتاتتىعىنا كانديداتتار مۇراتحان شۇكەيەۆ پەن بەكبول مايمىشيەۆپەن وتكەن كەزدەسۋدە اۋدانداعى ەتنومادەني بىرلەستىك  جەتەكشىلەرىنىڭ ويى وسىعان سايدى. اشىق، ەركىن فورماتتا ۇيىمداستىرىلعان باسقوسۋعا اۋدان اۋماعىنداعى تۇرىك،  كورەي،  ورىس،  نەمىس ەتنومادەني بىرلەستىكتەرىنىڭ جەتەكشىلەرى مەن مۇشەلەرى،  اۋداندىق قوعامدىق جانە اپپاراتتىق شتاب مۇشەلەرى قاتىسىپ وتىردى.

كەزدەسۋدە كانديداتتار پارتيانىڭ سايلاۋالدى باعدارلاماسىنىڭ نەگىزگى باعىتتارىن تانىستىرىپ، وبلىس كولەمىندە اتقارىلعان اۋقىمدى ىستەر، تىندىرىلعان تىرلىكتەر، قول جەتكىزگەن جەتىستىكتەر مەن الدىعا قويعان ماقساتتار تۇرعىسىندا ءسوز قوزعالدى.

قازىرگى تاڭدا وبلىستا 80-نەن استام ەتنوس وكىلى تۇرادى، بىرلىكتى، كونفەسسياارالىق جانە ەتنوسارالىق كەلىسىمدى نىعايتۋعا ەلەۋلى ۇلەس قوساتىن 34 ەتنومادەني بىرلەستىك جۇمىس ىستەيدى. قوعامنىڭ ۇلتتىق ساناسىن جاڭارتۋ، قوعام مۇشەلەرىنىڭ بىرەگەيلىگىن ايقىندايتىن مادەني جانە رۋحاني قۇندىلىقتاردى ساقتاۋ جانە كوبەيتۋ يدەياسى بويىنشا جۇمىس جۇرگىزىلۋدە.

كانديداتتار تاريحي-مادەني مۇرانى ساقتاۋعا جانە ونەر مەن مادەنيەت سالالارىن دامىتۋعا جانە مەملەكەتتىك ءتىلدى ناسيحاتتاۋعا، قولدانۋ اياسىن كەڭەيتۋگە، قازاقستان حالقىنىڭ تىلدەرىن دامىتۋعا، ەتنوسارالىق جانە كونفەسسياارالىق كەلىسىمدى، بىرلىكتى  نىعايتۋ بويىنشا ەتنومادەني جانە ءدىني بىرلەستىكتەردىڭ قىزمەتىن قولداۋعا سونداي-اق، جامبىل وبلىسىنىڭ ءبىرتۋار تۋمالارىنىڭ مۇراسىن ناسيحاتتاۋعا شاقىردى.

جيىنعا قاتىسقان ەتنومادەني بىرلەستىكتىڭ  وكىلدەرى دە "Nur Otan" پارتياسىنا الداعى سايلاۋ ناۋقانىندا ساتتىلىك تىلەپ،  وڭىردەگى وڭ وزگەرىستەردى تىلگە تيەك ەتىپ،  بىرلىك بار جەردە بەرەكەلى ءىس بولاتىنىن جەتكىزدى. 

"Nur Otan" پارتياسى جامبىل وبلىسىنىڭ سايلاۋ قورىنىڭ قاراجاتىنان تولەندى