ماماندار كوروناۆيرۋسپەن اۋىرعاننان كەيىن دەنساۋلىقتى قالاي قالپىنا كەلتىرۋگە بولاتىنىن ايتتى.
رەسەيلىك دارىگەر ولگا زمانوۆسكايا اعزانى قالىپقا كەلتىرۋدىڭ بىرنەشە جولىن اتادى.
دارىگەردىڭ ايتۋىنشا، وكپەنى قالىپقا كەلتىرۋگە كۇش سالۋ قاجەت. ول ءۇشىن سپورتتىڭ جەڭىل تۇرىمەن اينالىسىپ، تىنىس الۋ جولدارىنا ارنالعان جاتتىعۋ جاساۋ قاجەت.
اعزانى قالىپقا كەلتىرۋدىڭ تاعى ءبىر جولى – دۇرىس تاماقتانۋ. تۇتىناتىن استا اقۋىز بەن س دارۋمەنى كوپ بولۋى كەرەك. انتيبيوتيكتىڭ سالدارىن جۇمسارتۋ ءۇشىن ايران، مايلى ايران، قوسپاسى جوق تابيعي يوگۋرت، پروبيوتيك پەن لاكتۋلوزانى راسيونعا قوسۋ كەرەك. ءتاتتى، تۇزدى جانە اششى تاعامداردان باس تارتۋ كەرەك. جۇرەك قاعىسى جيىلەسە كوفە مەن قىزىل شايدان باس تارتۋ كەرەك.
كۇندەلىكتى ءبىر ساعات تازا اۋادا ءجۇرۋ كەرەك ەكەنىن دە اتاپ ءوتتى. دارىگەر كەي ادامدار انتيبيوتيكتى كوپ قولدانعاندىقتان جاعدايىن ۋشىقتىراتىنىن ايتادى.
پىكىر قالدىرۋ