الماتىدا دۇكەنگە قارۋلى شابۋىل جاسالدى، – دەپ حابارلادى Polisia.kz.

تۇنگى ساعات بىردە الماتىنىڭ تۇركسىب اۋدانىندا ورنالاسقان ازىق-تۇلىك دۇكەنىنە جاسالعان شابۋىل تۋرالى "102" باسقارۋ پۋلتىنە دابىل كەلىپ ءتۇستى. قالانىڭ جەدەل كەزەكشىسى جاقىن ماڭداعى پاترۋلدىك ەكيپاجدى اۋىر قىلمىس بولعان جەرگە دەرەۋ باعىتتادى.

– پوليسەيلەردى دۇكەندە 72 جاستاعى ايەل قارسى الدى. ونىڭ ايتۋىنشا، عيماراتقا مەديسينالىق بەتپەردە كيگەن ءتورت ەر ادام كىرىپ كەلىپ، تاپانشامەن قورقىتىپ، ونى ءبىر رەت اسپانعا اتىپ، اقشا سۇراعان. الايدا، ولار دۇكەندە تاعى بىرنەشە ساتۋشى بار ەكەنىن كورىپ، قورقىپ، قاشىپ كەتكەن. ءبىراق ولاردىڭ ەكەۋى جاسىرىنىپ ۇلگەرمەدى. "بۋران-288" پاترۋلدىك پوليسيا ەكيپاجى وسى قىلمىسقا قاتىسى بار الماتى وبلىسى تالعار اۋدانىنىڭ 20 جاستاعى تۇرعىندارىن "ءىزىن سۋىتپاي" ۇستادى. ءتىنتۋ بارىسىندا كۇدىكتىلەردىڭ بىرىنەن پنيەۆماتيكالىق تاپانشا انىقتالىپ، تاركىلەندى، – دەدى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ.

ۇستالعاندار ۋاقىتشا ۇستاۋ يزولياتورىنا قامالدى. شابۋىلدىڭ باسقا قاتىسۋشىلارىنىڭ جەكە باستارى انىقتالدى، ولاردى ۇستاۋ بويىنشا شارالار قابىلدانۋدا. بۇل فاكت سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ق ر قك-نىڭ 192-بابىنىڭ 2-بولىگى (قاراقشىلىق) بويىنشا تىركەلدى.