اتا-انانىڭ بىرەۋى نە قامقورشى ءوزىنىڭ Kaspi Gold كارتاسىنا قوسىمشا رەتىندە بالاعا ارنالعان Kaspi Gold-تى تۋرا Kaspi.kz ءموبيلدى قوسىمشاسىندا رەسىمدەي الادى، سوسىن اتاۋلى كارتانى كەز كەلگەن Kaspi كارتوماتتان 1 مينۋتتا الا الادى. بۇل تۋرالى بانكتىڭ باسپا ءسوز قىزمەتى حابارلادى. 

Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:

– ەندى بارشانىڭ سۇيىكتى Kaspi Gold كارتاسىن بالاعا رەسىمدەۋگە بولادى. سونداي-اق ءسىز بالاڭىزدىڭ تەلەفونىنا Kaspi.kz قوسىمشاسىن ورناتا الاسىز.

ءوزىمىزدىڭ كىشكەنتاي سۇيىكتى كليەنتتەرىمىز ءۇشىن ءبىز ينتەرفەيس پەن فۋنكسيونالدى بارىنشا وڭايلاتتىق. اتا-انالارعا بالالارىن قولما-قول اقشاسىز زات ساتىپ الۋعا جانە ءوز قاراجاتىن باسقارۋعا ەرتە جاستان ۇيرەتۋگە كومەكتەسە الامىز دەگەن سەنىمدەمىز، – دەدى.

اتا-انا ءوزىنىڭ Kaspi.kz ءموبيلدى قوسىمشاسى ارقىلى بالاسىنىڭ ۇساق شىعىنىنا اقشا اۋدارا الادى، جۇمساعان اقشاسىن كورە الادى، سونداي-اق ينتەرنەتتە زات ساتىپ الۋعا رۇقساتىن باسقارا الادى، دسن-كودىن اۋىستىرىپ، كارتانى بۇعاتتاپ/بۇعاتتان شىعارا الادى.

وزدەرىنىڭ اتاۋلى Kaspi Gold-ىن العاننان كەيىن بالالار اقشا اۋدارىمىن الىپ، قولما-قول اقشاسىز زات ساتىپ الادى جانە كەز كەلگەن بانكوماتتان ايىنا 10 000 تەڭگەگە دەيىن اقشا شەشە الادى. ءوز قوسىمشاسىندا بالا ۇيالى بايلانىس اقىسىن، ءىس-شاراعا، ويىنعا كىرۋ بيلەتىنىڭ قۇنىن تولەپ، كولىك كارتاسىن تولتىرا الادى. سونداي-اق بونۋس جيناپ، ونى جاراتا الادى.