2021 جىلى مەرەكە كۇندەرىن قوسقاندا قازاقستاندىقتار 121 كۇن دەمالادى. جاڭا جىلدا بارلىق مەرەكە دەمالىس كۇندەرىنە سايكەس كەلەتىندىكتەن قازاقستاندىقتار 3-4 كۇن قاتارىنان دەمالادى.

دەمالىس كۇندەرىنىڭ كوپ بولىگى قاڭتار مەن مامىر ايلارىنا كەلەدى.

2021 جىلعى ەڭ ۇزاق دەمالىس كۇندەر:
قاڭتاردا - جاڭا جىلدا - 4 كۇن؛
ناۋرىزدا - ناۋرىز مەرەكەسى قۇرمەتىنە - 5 كۇن؛
مامىردا - جەڭىس كۇنىندە - 4 كۇن؛
جەلتوقساندا - تاۋەلسىزدىك كۇنىنە - 4 كۇن.

باسقا مەرەكەلەردە دەمالىس كۇندەرى ءۇش كۇنگە سوزىلادى. سونىمەن بىرگە، ءبىر دەمالىس روجدەستۆوعا - 7 قاڭتارعا ساي كەلەدى، قۇربان ايتتىڭ ءبىرىنشى كۇنى دە دەمالىس، ول 20 شىلدەگە سايكەس كەلەدى. 8 ناۋرىز ءداستۇرلى تۇردە حالىقارالىق ايەلدەر كۇنى رەتىندە اتاپ وتىلەدى. ناۋرىز مەيرامىنىڭ ءبىرىنشى كۇنى جەكسەنبىگە سايكەس كەلەدى، سوندىقتان بۇل كۇندەگى دەمالىس 24 ناۋرىز، سارسەنبىگە اۋىستىرىلدى.

1 مامىردا قازاقستان حالقىنىڭ بىرلىگى مەرەكەسى سەنبىگە كەلگەندىكتەن، وسى كۇنگە ارنالعان دەمالىس 3 مامىر، دۇيسەنبىگە اۋىستىرىلدى.

9 مامىرداعى ۇلى وتان سوعىسىنداعى جەڭىس كۇنى جەكسەنبىگە دە كەلىپ تۇسەدى، سوعان بايلانىستى دەمالىس كۇنى 10 مامىر، دۇيسەنبىگە اۋىستىرىلدى.

ايتا كەتۋ كەرەك، الداعى جىلى قازاقستاندىقتار استانا كۇنىن 3 كۇن - 4،5 جانە 6 شىلدەدە اتاپ وتەدى. ال سەنبى، 3 شىلدە جۇمىس ىستەيدى (كەيىنگە قالدىرىلدى).

30 تامىز - كونستيتۋسيا كۇنىندە دە دەمالامىز.

جەلتوقساندا بىزدە 3 مەرەكە بولادى: 1 جەلتوقسان - قازاقستان رەسپۋبليكاسىنىڭ تۇڭعىش پرەزيدەنتى كۇنى. 16-17 جەلتوقسان - تاۋەلسىزدىك كۇنى.