دونالد ترامپ جاقتاستارى اقش كونگرەسسى عيماراتى – كاپيتولييگە باسىپ كىرگەننەن كەيىن رەسپۋبليكالىق پارتياداعى جاقتاستارى ودان تەرىس اينالدى.
– ءبىزدىڭ كاپيتولييگە باسىپ كىرۋ ارقىلى سەندەر جەڭىسكە جەتپەدىڭدەر. زورلىق ەشقاشان جەڭگەن ەمەس. ەركىندىك ءارقاشان جەڭىس تۇعىرىندا تۇرادى. ال ەركىندىك دەگەنىمىز – حالىق ءۇيى. ۆانداليزم مەن زورلىققا قاراماستان الەم ءبىزدىڭ دەموكراتيانىڭ كۇشى مەن بەرىكتىگىنە تاعى ءبىر كوز جەتكىزدى، – دەدى اقش-تىڭ ۆيسە-پرەزيدەنتى مايك پەنس.
ترامپ ۆاشينگتوندا پرەزيدەنت سايلاۋىنداعى جەڭىسى "ۇرلاندى" دەپ مالىمدەگەننەن كەيىن ونىڭ جاقتاستارى كاپيتولييگە باسىپ كىرگەن. تارتىپسىزدىك باستالعاننان كەيىن قازىرگى پرەزيدەنت دونالد ترامپ جاقتاستارىنا ۇيلەرىنە قايتۋىن سۇراعانىمەن سايلاۋدىڭ ادىلەتسىز وتكەنى تۋرالى قايتالاپ، تارتىپسىزدىكتىڭ توقتاماۋىنا تۇرتكى بولدى.
شەرۋشىلەر كاپيتولييگە باسىپ كىرمەستەن بۇرىن بىلتىر وتكەن پرەزيدەنت سايلاۋىندا شەشۋشى ءرول ويناعان سايلاۋ بيۋللەتەندەرى عيماراتتان شىعارىلعان.
تارتىپسىزدىك كەزىندە ءبىر ايەل قايتىس بولدى. عيماراتتا ەكى جارىلعىش زات تابىلدى. كاپيتولييدەگى جاعدايدان كەيىن ترامپتىڭ رەسپۋبليكالىق پارتياداعى جاقتاستارى ودان تەرىس اينالدى.
پىكىر قالدىرۋ