«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك جەلىدە ارنايى جازبا جاريالادى. ول ءوز جازباسىندا Nur Otan سايلاۋالدى باعدارلاماسىن قالاي جۇزەگە اسىراتىنىنا توقاتالىپ، داۋىس بەرگەن ازاماتتارعا العىسىن جەتكىزدى.

«قۇرمەتتى دوستار! ورتالىق سايلاۋ كوميسسياسى پارلامەنتتىك سايلاۋدىڭ قورىتىندى ناتيجەسىن جاريالادى. «Nur Otan» پارتياسى 71،09% داۋىس جينادى. بارلىق دەڭگەيدەگى ءماسليحاتتار سايلاۋىندا دا ءبىز ايقىن جەڭىسكە جەتتىك.

ەلباسى، پارتيا ليدەرى نۇرسۇلتان نازاربايەۆ اتاپ وتكەندەي، «Nur Otan» پارتياسىنىڭ باستى ماقساتى – حالىقتىڭ تۇرمىسىن جاقسارتۋ جانە ەلدىگىمىزدى نىعايتا بەرۋ. ەل بولىپ بىرىگە بىلسەك، الىنبايتىن اسۋ جوق. باسىمىزعا تۇسكەن قيىندىقتاردى ءبىز ءاردايىم بىرگە ەڭسەرىپ، جەتىستىكتەرگە بىرلەسە جەتەمىز».

ءبىزدىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلامامىز – ەلىمىز بەن وڭىرلەردى الداعى 5 جىلدا دامىتۋدىڭ دايىن جوسپارى. ول ەلباسىنىڭ 5 ينستيتۋسيونالدىق رەفورماسىنىڭ باعدارىن جالعاستىرادى جانە مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىندا قويىلعان مىندەتتەردى قامتيدى.

«Nur Otan»-نىڭ باعدارلاماسى – ەگجەي-تەگجەيلى ەسەپتەلگەن، قارجىلىق جانە ناقتى رەسۋرستارمەن قامتىلعان شارالار. العاش رەت جوسپارلاۋ ءتاسىلى دە وزگەردى. مۇندا سالالىق ەمەس، ستراتتىق قاعيدات نەگىزگە الىندى. بۇل رەتتە ناقتى الەۋمەتتىك توپتاردىڭ مۇددەسى باستى نازاردا بولادى.

ەلباسى ايتقانداي، ەندى پارتيامىز سايلاۋالدى ۋادەلەردىڭ جانە مەملەكەت باسشىسىنىڭ پاندەميا سالدارى مەن ەكونوميكالىق داعدارىستى ەڭسەرۋ بويىنشا قويعان مىندەتتەرىنىڭ بارلىق دەڭگەيدە ىسكە اسىرىلۋىن قامتاماسىز ەتۋى ءتيىس. الدىمىزدا اتقاراتىن اۋقىمدى جۇمىس بار»، - دەپ جازدى پارتيا ءتوراعاسىنىڭ ءبىرىنشى ورىنباسارى.

سونداي-اق، ول سايلاۋعا قاتىسىپ، پارتياعا سەنىم بىلدىرگەندەرگە العىسىن جەتكىزدى.
«دوستار! 10 قاڭتاردا سايلاۋ ۋچاسكەلەرىنە كەلىپ، «Nur Otan» پارتياسىنا داۋىس بەرۋ ارقىلى جاسامپازدىق پەن قازاقستاننىڭ وركەندەۋ جولىن تاڭداعان بارشا ازاماتقا تاعى دا العىس ايتامىن.

بىرلەسە وتىرىپ، سايلاۋالدى ۋادەلەرىمىزدىڭ ءبارىن دە جۇزەگە اسىراتىنىمىزعا سەنىمدىمىن! قيىندىقتى ەڭسەرىپ، جەڭىسكە بىرگە جەتەمىز!»، - دەپ تۇيىندەدى باۋىرجان بايبەك.