COVID-19 پاندەمياسىنىڭ ەكىنشى جىلى ادامزات ءۇشىن بۇرىنعىعا قاراعاندا اۋىر بولۋى مۇمكىن. دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) Twitter-دەگى سۇراق-جاۋاپ سەسسياسىندا ۇيىم توتەنشە جاعدايلار باعدارلاماسىنىڭ ديرەكتورى مايكل رايان وسىلاي دەپ مالىمدەگەن. بۇل تۋرالى tass.ru سايتى حابارلادى.
– پاندەميانىڭ ەكىنشى جىلى. كوروناۆيرۋستىڭ تارالۋ ديناميكاسىن ەسكەرە وتىرىپ، ءبىرىنشى جىلمەن سالىستىرعاندا ودان دا قيىن بولۋى مۇمكىن، – دەدى رايان.
رايان ددسۇ-عا سوڭعى ەكى اپتادا تۇسكەن مالىمەتتەر اۋرۋدىڭ "قايتادان شىڭىنا جەتكەنىن" كورسەتكەنىن اتاپ ءوتتى. سوڭعى اپتادا الەمدە كوروناۆيرۋس ينفەكسياسىنىڭ بەس ميلليونعا جۋىق جاڭا جاعدايى تىركەلىپ، 85 مىڭنان استام ادام قايتىس بولعان. اۋرۋدىڭ ءوسۋى باتىس تىنىق مۇحيتى ايماعىندا، افريكا مەن شىعىس جەرورتا تەڭىزىندە دە تىركەلدى.
رايان "كوپتەگەن ەلدەردە ينفەكسيانىڭ كوبەيۋىنە اكەلەتىن فاكتورلاردىڭ جيىنتىعىن" اتاپ ءوتتى. ونىڭ ايتۋىنشا، ءقازىر ۆيرۋستىڭ تارالۋىنىڭ وتكەن جىلداعىداي "درايۆەرلەرى" بار، ءبىراق ولارعا جاڭالارى قوسىلدى.
پىكىر قالدىرۋ