مەملەكەتتىك كىرىستەر كوميتەتىنىڭ پورتالىندا «ەلەكتروندى شاعىمدار كىتابى» بار. سالىق تولەۋشىلەر www.kgd.gov.kz سايتىنداعى «ەلەكتروندى سەرۆيستەر» بولىگىندە مەملەكەتتىك كىرىستەر ورگاندارى لاۋازىمدى ادامدارىنىڭ زاڭسىز ارەكەتتەرى جانە قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسىن بۇزۋ فاكتىلەرى بويىنشا شاعىمىن جىبەرە الادى (سىلتەمە: http://kgd.gov.kz/kk/ebook). شاعىمدى ەلەكتروندى پوشتا ارقىلى جولداۋعا بولادى، دەپ حابارلادى كوميتەتتىڭ باسپا ءسوز قىزمەتى.
شاعىمدار قازاقستان رەسپۋبليكاسىنىڭ «جەكە جانە زاڭدى تۇلعالاردىڭ ءوتiنiشتەرiن قاراۋ ءتارتiبi تۋرالى» زاڭىنا سايكەس قارالادى.
"ەلەكتروندى شاعىمدار كىتابى" مەملەكەتتىك جانە ورىس تىلدەرىندە جۇمىس ىستەيدى.
شاعىمدى تولتىرۋ ءۇشىن پاراقشانىڭ وڭ جاق جوعارعى بۇرىشىندا شاعىمدانۋ ءتىلىن تاڭداپ، كەلەسى مالىمەتتەردى تولتىرۋڭىز كەرەك:
- ت.ا.ءا. جەكە نەمەسە زاڭدى تۇلعانىڭ اتاۋى
- جسن/بسن
- مەكەن-جاي
- تەلەفون
- ەلەكتروندى پوشتا مەكەن-جايى
- شاعىم ءماتىنى (شاعىمنىڭ ءمانى ەگجەي-تەگجەيلى كورسەتىلىپ، ىس-ارەكەتتەرىنە شاعىم جاسالىپ جاتقان لاۋازىمدى تۇلعانىڭ ءاتى-جونى جانە مەملەكەتتىك كىرىستەر ورگانىنىڭ اتاۋى كورسەتىلەدى).
ەگەر وتىنىشتە كورسەتىلگەن مالىمەتتەردى راستايتىن قۇجاتتار بولسا، جوعارىدا كورسەتىلگەن رەكۆيزيتتەردى تولتىرعاننان كەيىن "تىركەۋ" فۋنكسياسىنا ءوتىپ، قۇجاتتاردى قوسا جالعاۋ كەرەك.
بارلىق مالىمەتتەردى تولتىرعاننان كەيىن "ساقتاۋ" فۋنكسياسىن قولدانۋ قاجەت، سودان كەيىن مودەراتور شاعىمعا تىركەۋ ءنومىرىن تاعايىندايدى. بۇل شاعىمنىڭ قازىرگى جاعدايىن كورۋگە جانە كوميتەتتىڭ جاۋابىمەن تانىسۋعا مۇمكىندىك بەرەدى.
قازاقستان رەسپۋبليكاسىنىڭ زاڭناماسىنا سايكەس، "ەلەكتروندى شاعىمدار كىتابى" ارقىلى تومەندەگىدەي شاعىمداردى قاراستىرىلمايدى:
- ازاماتتاردىڭ وتىنىشتەرى، ولاردى شەشۋ ءتارتىبى اكىمشىلىك قۇقىق بۇزۋشىلىق تۋرالى، قىلمىستىق-پروسەسسۋالدىق، ازاماتتىق-پروسەسسۋالدىق جانە وزگە دە زاڭداردا بەلگىلەنگەن بولسا؛
- قازاقستان رەسپۋبليكاسىنىڭ "جەكە جانە زاڭدى تۇلعالاردىڭ ءوتiنiشتەرiن قاراۋ ءتارتiبi تۋرالى" زاڭىنا سايكەس جاسىرىن وتىنىشتەر؛
- بانك شوتتارى بويىنشا شىعىس وپەراسيالارىن توقتاتۋ تۋرالى شاعىمدار؛
- سالىقتىق جانە كەدەندىك تەكسەرۋلەردىڭ ناتيجەلەرى بويىنشا حابارلامالار؛
- كامەرالدىق باقىلاۋدىڭ ناتيجەلەرى بويىنشا انىقتالعان بۇزۋشىلىقتاردى جويۋ تۋرالى حابارلاماعا شاعىمدار؛
- سالىق، كەدەن جانە باسقا زاڭنامانىڭ نورمالارىن ءتۇسىندىرۋدى تالاپ ەتەتىن ماسەلەلەر.
پىكىر قالدىرۋ