"تايۆان جۇڭگو اسكەري ۇشاقتارىنىڭ ەكىنشى كۇن بويى ۇلكەن كولەمدە شابۋىل جاساعانى تۋرالى حابارلادى. بۇل اقش پرەزيدەنتى دجو بايدەننىڭ قىزمەتكە كىرىسكەن العاشقى كۇندەرىنە سايكەس كەلدى" دەپ جازدى BBC.
اسكەري وپەراسياعا 15 سوعىس ۇشاعى قاتىستى. كوپ وتپەي ۆاشينگتون تاراپى قاتاڭ ەسكەرتۋ جاسادى.
بەيجىڭ دەموكراتيالىق تايۆاندى قىتايدىڭ بولىنگەن پروۆينسياسى دەپ سانايدى، ال تايۆان ءوزىن ەگەمەن مەملەكەت دەپ ەسەپتەيدى.
ساراپشىلاردىڭ ايتۋىنشا، جۇڭگو بايدەننىڭ تايۆاندى قولداۋ دەڭگەيىن تەكسەرىپ جاتىر.
بايدەن بيلىككەن كەلگەننەن كەيىن اقش مەملەكەتتىك دەپارتامەنتى تايۆاندى قورعاۋعا كومەكتەسۋ تۋرالى "بەرىك مىندەتتەمەسىن" راستادى. ال جۇڭگو ۇكىمەتى تاراپىنان رەسمي جاۋاپ بولعان جوق.
جۇڭگو سوڭعى ايلاردا تايۆاننىڭ وڭتۇستىك بولىگى مەن وڭتۇستىك جۇڭگو تەڭىزىندەگى تايۆان باقىلاۋىنداعى پراتاس ارالدارى اراسىنداعى تەڭىز ۇستىندە تۇراقتى رەيستەر جاسادى.
پىكىر قالدىرۋ