مەملەكەت باسشىسىنىڭ تاپسىرماسىنا سايكەس 2021 جىلدىڭ 1 قاڭتارىنان باستاپ بالاباقشالار، مەكتەپتەر مەن كوللەدجدەردەگى دەنە شىنىقتىرۋ مۇعالىمدەرىنىڭ ايلىعىنا جاڭا قوسىمشا اقى تاعايىندالدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا جازدى.

– ەندى دەنە شىنىقتىرۋ مۇعالىمدەرىنىڭ ەڭبەكاقىسىنا اي سايىن قوسىمشا 17 697 تەڭگە تولەنەتىن بولادى. وسى رەتتە دەنە شىنىقتىرۋ مۇعالىمدەرىنىڭ فۋنكسيونالى كەڭەيىپ وتىر. مۇعالىمدەر ادەتتە وتكىزەتىن دەنە شىنىقتىرۋ ساباقتارىنان بولەك، قوسىمشا سپورتتىق-ساۋىقتىرۋ ساباقتارىن، ياعني سەكسيالار وتكىزەتىن بولادى، – دەدى مينيستر.

ونىڭ ايتىنشا ءار ءمۇعالىم قوسىمشا سەكسيالىق ساباقتار وتكىزەدى جانە بالالار مەكتەپتەگى قاجەتتى جابدىقتارىنىڭ بولۋىنا بايلانىستى ءتۇرلى سپورت سەكسيالارىنا قاتىسا الادى.

– بالالاردى سپورت سەكسيالارى ارقىلى قوسىمشا ساباقتارعا تارتۋ – سالاۋاتتى ءومىر سالتىن قالىپتاستىرۋ، ءبىلىم الۋشىلاردى سپورتقا باۋلۋ جانە ولاردىڭ دەنساۋلىعىن نىعايتۋ بويىنشا بەرىلگەن مەملەكەت باسشىسى ق. ك. توقايەۆتىڭ تاپسىرمالارىنىڭ شەڭبەرىندە باسقا دا كەشەندى شارالار قابىلدانادى، – دەپ جازدى ايماعامبەتوۆ جەلىدەگى پاراقشاسىندا.