2006 جىلعى ۇلگىدەگى نومينالى 2، 5، 10 مىڭ تەڭگەلىك بانكنوتتاردى قابىلداۋ جانە ايىرباستاۋ 1 اقپاندا اياقتالادى. ۇلتتىق بانكتىڭ قولما-قول اقشا اينالىسى دەپارتامەنتىنىڭ ديرەكتورى جومارت قاجىمۇراتوۆ وسىلاي دەپ مالىمدەدى، دەپ حابارلادى قازاقپارات.

ونىڭ ايتۋىنشا، 2006 جىلعى ۇلگىدەگى نومينالى 2 000، 5 000، 10 000 تەڭگەلىك بانكنوتتاردى قابىلداۋ جانە ايىرباستاۋ مەرزىمى اياقتالىپ قالدى.

جەكە تۇلعالار ءۇشىن بانكنوتتار تەك ۇلتتىق بانكتىڭ فيليالدارىندا ايىرباستالادى.

– وسى اتالعان بانكنوتتار قولدا بار بولعان جاعدايدا، ۇلتتىق بانكتىڭ جاقىن ماڭداعى فيليالىنا بارىپ، 1 اقپان ساعات 15:00-گە دەيىن ۇلتتىق ۆاليۋتانىڭ قولدانىستاعى اقشا بەلگىلەرىنە اۋىستىرىپ الۋدى سۇرايمىز، – دەدى جومارت قاجىمۇراتوۆ.

2021 جىلدىڭ 2 اقپانىنان باستاپ 2006 جىلعى ۇلگىدەگى نومينالى 2000، 5000 جانە 10000 تەڭگەلىك بانكنوتتار قازاقستان رەسپۋبليكاسىنىڭ بۇكىل اۋماعىندا قابىلدانبايدى جانە اۋىستىرىلمايدى.