سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ قازاقستاندا بەس ۆيسە-مينيسترگە قاتىستى قىلمىستىق ءىس قوزعالعانىن ايتتى.

شپەكبايەۆتىڭ ايتۋىنشا، 2020 جىلى ءتۇرلى دارەجەدەگى 210 باسشى قىلمىستىق جاۋاپكەرشىلىككە تارتىلعان.

– 722 ادام سوتتالدى، ونىڭ ىشىندە ءبىر وبلىس اكىمى، وبلىس اكىمدەرىنىڭ ناقتى ورىنباسارلارى، ەكى جاۋاپتى حاتشى، كوميتەتتەردىڭ ەكى ءتوراعاسى، ءبىر ەلشى، بەس سۋديا، 10 اۋدان اكىمى مەن ولاردىڭ ورىنباسارلارى. بەس ۆيسە-مينيسترگە، كوميتەتتەردىڭ بەس ءتوراعاسى مەن ولاردىڭ ورىنباسارلارىنا، سونداي-اق كۆازيمەملەكەتتىك ۇيىمداردىڭ بەس توپ-مەنەدجەرىنە قاتىستى قىلمىستىق ىستەر تەرگەلۋدە، – دەدى شپەكبايەۆ سىبايلاس جەمقورلىققا قارسى قىزمەت القاسىنىڭ وتىرىسىندا.

سونداي-اق شپەكبايەۆتىڭ مالىمەتىنشە، 2020 جىلى 25 اسا اۋىر جانە 1368 اۋىر قىلمىس، جۇيەلى سىبايلاس جەمقورلىقتىڭ 112 فاكتىسى انىقتالعان. سوتتا ۇيىمداسقان قىلمىستىق توپتاردى (ۇقت) قۇرۋ فاكتىلەرى بويىنشا ءتورت ءىس قارالادى.