Facebook كومپانياسىنىڭ باسشىسى مارك سۋكەربەرگ Facebook الەۋمەتتىك جەلىسىندە ازاماتتىق جانە ساياسي توپتاردى ەندى جارنامالامايتىنىن مالىمدەدى.
اتالمىش كومپانيا قاراشادا اقش-تاعى پرەزيدەنت سايلاۋى كەزىندە Facebookء-تى ساياسي اگيتاسيا جاسايتىن پلاتفورما رەتىندە قولدانۋعا جول بەرمەيتىنىن ايتقان. سارسەنبىدە Facebook بۇل زاڭ تەك اقش-قا عانا ەمەس بارلىق ەلگە قاتىستى ەكەنىن حابارلادى.
سارسەنبىدە سەناتور ەد ماركەي مارك سۋكەربەرگكە ساۋال جولدادى. وندا ساياسي توپتاردى جارنامالاۋدى توقتاتۋ تۋرالى حابارلاماسىنا قاراماستان ونداي جۇمىستار نەلىكتەن ءالى كۇنگە اتقارىلىپ جاتقانىن سۇرادى.
– 6 قاڭتاردا اقش كاپيتولياسىنداعى باسسىزدىق ەڭ الدىمەن Facebook-تە ۇيىمداستىرىلعان، – دەپ ايىپتادى ول.
مارك سۋكەربەرگ كەز كەلگەن ادام وزىنە قاجەتتى توپتاردى ىزدەپ، جازىلا الاتىنىن ايتتى.
باقىلاۋشىلار Facebook جەلى قولدانۋشىلارىنا توپتاردى ۇسىنۋ الگوريتىمىن قىسقارتۋدى تالاپ ەتتى. اتالمىش جەلى جالعان اقپارات تاراتۋدىڭ ناعىز وشاعىنا اينالعانى دا ايتىلدى.
مارك سۋكەربەرگ Facebook-تە ساياسي مازمۇنداعى جازبالاردى ازايتۋ جۇمىستارى جۇرگىزىلىپ جاتقانىن حابارلادى.
پىكىر قالدىرۋ