قازاقستاندىقتار مايىتكە ارنالعان قوراپتارعا سالىنعان قاپتار قويماسى كورسەتىلگەن ۆيدەونى تالقىلاۋدا. پايدالانۋشىلاردىڭ پىكىرىنشە، بۇل ءونىم COVID-19 ۆاكسيناسىن العاندارعا ارنالعان. بۇل جالعان، دەپ حابارلادى stopfake.kz.
ۆيدەونى جەلىگە @_TheCoolTwin لاقاپ اتىمەن تىركەلگەن پايدالانۋشى جۇكتەگەن. كادرلاردا Amazon كومپانياسىنا تيەسىلى قويما قىزمەتكەرى جۇزدەگەن قوراپ سالىنعان پالەتتەردى كورسەتەدى. ولاردىڭ كەيبىرىندە ىشىندە مايىتتەرگە ارنالعان قاپتار بار دەگەن جازۋ جازىلعان. سودان كەيىن قوراپتاردىڭ ءبىر بولىگىن FedEx جەتكىزۋ قىزمەتىنىڭ لوگوتيپى بار جۇك كولىگى الىپ كەتەدى. اقش-تا قايتىس بولعانداردىڭ دەنەلەرىنە ارنالعان سومكەلەرگە دەگەن سۇرانىستىڭ ارتۋى ۆاكسيناسيامەن ەمەس، COVID-19-دان كوز جۇمۋ جاعدايلارىنىڭ ارتۋىمەن بايلانىستى.
"قازىرگى كەزدە قازاقستاندا سەگىز وڭىردە COVID-19 جۇقتىرعان ناۋقاستار سانى ارتقانى بايقالادى. مۇنى ۆاكسيناسيامەن بايلانىستىرۋ مۇمكىن ەمەس، ويتكەنى ۆاكسيناسيا ەلدە تەك 1 اقپاندا باستالادى.
COVID-19 قارسى ۆاكسينا ولىمگە اكەلۋى مۇمكىن دەگەن پىكىرلەر نەگىزسىز. پرەپاراتتاردىڭ قاۋىپسىزدىگى مەن تيىمدىلىگى كلينيكالىق زەرتتەۋلەرمەن دالەلدەنگەن.
سونداي-اق ۆيدەودا دا، ونىڭ سيپاتتاماسىندا دا دايىندالعان قاپتاردىڭ قانشا اۋرۋحاناعا، قالاعا جانە ەلدەرگە ارنالعانى ايتىلماعان. قويمادان تاۋارلار الەمنىڭ ءارتۇرلى نۇكتەلەرىنە جىبەرىلۋى مۇمكىن، سوندىقتان تاۋارلار سانىنىڭ كوپ بولۋى ويعا قونىمدى.
ۆيدەودا تۇسىرىلگەن قويما تيەسىلى Amazon كومپانياسىنىڭ رەسمي وكىلدەرى ۆيدەوعا قاتىستى پىكىرلەرىن ءالى بىلدىرمەدى جانە وسى تاقىرىپ بويىنشا تۇسىنىكتەمە بەرگەن جوق" دەلىنگەن اقپاراتتىق حابارلامادا.
؟ - Thousands and thousands of Body Bags filmed by Amazon distribution worker. pic.twitter.com/nIzj4GjLBT
— Harry ؟؟ (@_TheCoolTwin) January 25، 2021
پىكىر قالدىرۋ