ق ر دەنساۋلىق ساقتاۋ ۆيسە-مينيسترى ەرلان قياسوۆتىڭ قاۋلىسىمەن ەل تۇرعىندارىن كوروناۆيرۋسقا قارسى ۆاكسيناسيالاۋ بويىنشا قاۋلى بەكىتىلدى، دەپ حابارلادى inform.kz.

اتالعان قاۋلىعا سايكەس، ءبىرىنشى كەزەكتە كوروناۆيرۋس جۇقتىرىپ الۋ ءقاۋپى جوعارى ساناتقا كىرەتىن ادامدارعا ۆاكسيناسيا جاسالادى. ولار:

– مەديسينا قىزمەتكەرلەرى، ءبىرىنشى كەزەكتە ينفەكسيالىق اۋرۋحانالار، جەدەل مەديسينالىق كومەك، رەانيماسيا جانە تەراپيا بولىمشەلەرى، العاشقى مەديسينالىق-سانيتارلىق كومەك كورسەتەتىن دەنساۋلىق ساقتاۋ ۇيىمدارى، ستاسيونارلىق كومەك كورسەتەتىن دەنساۋلىق ساقتاۋ ۇيىمدارىنىڭ قابىلداۋ بولىمدەرى پەرسونالدارى، سانيتارلىق-ەپيدەميولوگيالىق قىزمەت ماماندارى؛

– پەداگوگتەر، ۋچاسكەلىك پوليسيا قىزمەتكەرلەرى؛

– ستۋدەنتتەر، مەديسينالىق-الەۋمەتتىك جانە جابىق بالالار مەكەمەلەرىنىڭ قىزمەتكەرلەرى مەن كونتينگەنتى؛

– توتەنشە جاعداي قىزمەتتەرىنىڭ، قورعانىس، ىشكى ىستەر مينيسترلىكتەرىنىڭ، ۇلتتىق قاۋىپسىزدىك كوميتەتىنىڭ، ق ر مەملەكەتتىك كۇزەت قىزمەتىنىڭ قىزمەتكەرلەرى؛

– ق ر پرەزيدەنتى ءىس باسقارماسىنىڭ كونتينگەنتى، مەملەكەتتىك قىزمەتشىلەر، قازاقستاندا تىركەلگەن ديپلوماتيالىق، كونسۋلدىق مەكەمەلەردىڭ قىزمەتكەرى سانالاتىن ق ر ازاماتتارى، ۇلتتىق قۇراما كوماندالاردىڭ مۇشەلەرى؛

الدىن الۋ ەكپەلەرىنە تۇراقتى جانە ۋاقىتشا مەديسينالىق قارسى كورسەتىلىمى بار ادامدارعا، كۆي-دىڭ وتكىر جانە سيمپتومسىز تۇرىمەن اۋىرعاندارعا ۆاكسيناسيا سالىنبايدى. كوروناۆيرۋسپەن اۋىرعاندارمەن قارىم-قاتىناستا بولعاندارعا كارانتين مەرزىمى وتكەننەن كەيىن عانا ەكپە سالىنادى. قاۋلىدا سونداي-اق ۆاكسينانى سالدىرۋعا قارسى كورسەتىلىمدەر بەلگىلەنگەن.

ەسكە سالايىق، قازاقستاندا 1 اقپاندا گام-كوۆيد-ۆاك («سپۋتنيك V») رەسەيلىك ۆاكسيناسىن ەگۋ باستالادى.